ГIядатласи анцIбукь саби…
«Заманали адам варсиру» - бикIуси бурала гьар даим бекIлизи башули саби. БегI гьалаб ил аргъибхIели пикририкIусири: «сен илкьяйдали бикIутира, секьяйдали заманали адамличи асарбарес бирара?» или.
Гьанна биалли илала мягIна чихъли иргъулра. Заманали ахIенну адам варсируси, ил заманала бухIнаб къаршибикибти адамтани сай.
ВегI-алав сегъунти халкь биалра, вегIра илдачи мешусили ветаруси сай. ХIязлис ахIен кьалли бикIути: «ЭмхIечил бархбикалли, къачара гъачIибикIар». Адамличи алавси тIабигIятли халаси асар бируси буили саби. Мер-муса дарсдиалли, адамра варсируси сай. Варсиэсра замана хIяжатси саби. Сецад замана арбукьялра, илцадра вагьесагарли варсирули сай адамра. ЦацахIели адамла куц-кабизра бекIлил дарсдирули дирар. Масала, бусурмантала мер-мусаличивад урусуни хIербирути мер-мусаличи гечвиалли, адамла дяхIлизир булан илдачи мешути лишанти дагьардирули дирар.
Сай-алавти гIямрула асарлиув адамра мурталра ца сипатличив кахIелни ил гIядатласи анцIбукь саби. Амма илис бекIлибиубсиличила хъумартес асухIебирар – адамдешла къиликъуни, черяхIти адаб-хIяялашалти, дурхъати кьиматуни мурталра цадехI сари дирути ва илди дарсдарес, илдачила хъумартес асубируси ахIен. Илди гьариллизир диахъес чараагарсира саби.
