Булгурлизибад плов (5 порция)
ГIягIнидиркур:
Булгур - 300 гр;
диъ - 500 гр;
жерши - 2;
набадари - 3;
зира - 5 гр;
куркума - 5 гр;
муриси перец - 1;
помидор - 2;
итан жерши - I бекI;
гIявадеш - 50 мл;
зе, исиут - бизидеш хIясибли.
Балкьарахъни:
Диъ цагъунти кесекуначи кьисбарили, къазаннизиб буцIарбарибси гIявадешлизи белхьахъес кабихьая. Жерши, набадари ва перец умударили тугъачи яра дайхъу мявнадли кьисдарая. Диъ балкьарес бехIбихьибхIели, ила овощуни имцIадарая ва бара дерцIахъили гIергъи камти дуцIарти шин чертIили гIурра делхьайчи датирая. ГIур ила зе, исиут, куркума ва теркализирад дураибти помидорти имцIадарая ва гIяхIил гъудурдарая. Илдачи дирцибти булгурла курпа какьая ва илдачирад ца тIулла кьадар чедиадиути шин кертIая дайла итан жершира кабихьили. Плов сабиуси манзил итан жерши убасили зира имцIадарес вирар.
