Гьар адамли сай-вегIси гьуни чеббиркIу
ВецIал дус гьалаб сегъунти-биалра сарихибдешуни диахъес багьандан университетлизиб багьуди касес хIяжатсири. Жагьти халкь университетлизи кабурхес, диплом касес, гIур гIяхIси хIянчи баргили, бузес къайгъилизибри.
Амма гьаннала замана аги-кьяйда дебали дарсдиубли сари. Хасти багьудлуми агарлира, сагали дагьардиубти бяхIчибизуназир гьамадли сархибдешуни детарахъули сари. Ил багьандан алкIули саби суал: марлира, гьанна адамлис чебяхIси даражала багьуди кайсес хIяжатлира?
Ца шайчибад чебяхIси даражала багьуди гьаннара хIяжатси саби. Университетлизир дучIухIели нушани санигIятла шайчибси багьудицун ахIенну кайсуси, нушала пикридикIнила бетуцра гьалабяхI аркьули саби, баянти ахтардидирес бурсидирулра, багьудлумала авид бягIувиргахъули ва халабирахъули саби. Дахъалгъунти санигIятуни хIясибли узес багьандан мурхьси багьуди касес хIяжатли саби. Илди сари, мисаллис буралли, тухтурла, юристла, мугIяллимла санигIятуни. Илдала чараагарли ахъси даражала багьуди биэс гIягIнили саби. СенахIенну илдала хIянчили мурталра жавабардеш тIалабдирули сари.
Иличи че, дипломли дахъал имканти гьаргдирули сари бузерила рынокличир. Дахъалгъунти анцIбукьуназир адам хIянчиличи урцухIели, илала багьудила даража сегъуна сабил хIербикIули бирар. ЦацадехIти хIянчурбазир диплом агарли узесра вируси ахIен.
Буралли, бусягIятла замана технологияби ва Интернет гьаладяхI ардякьи сари. Ил багьандан нушани нушаб гIягIнити багьудлуми Интернетлизирра касес дирулра. Илкьяйдали ишхIели Интерненичил ва технологиябачил дархдасунти дахъал санигIятунира лер. Жагьилтас дигули ахIен университетлизиб чумал дус бучIес. ЦацабехIтани, бусягIятал бузес бехIбихьес иштяхI акIубли, ца яра кIел базла курсани тамандарили, хIянчиличи кабиъни гIяхIсилизи халбирули саби.
Ахирличиб бурес дигахъаси, сецадла аги-кьяйда дарсдиалра ва сецад дусми ардукьялра, чебяхIси даражала багьуди мурталра мягIничебсили кавлули саби. Гьайайрагу, гьаннала замана сархидешуни диахъес багьандан сегъунти-дигара тяхIурти пайдаладарес вирар. БекIлибиубсигъуна – багьудлумачи иштяхI, гъира бетхIехъахъни. Бурсидешунира диахъес, устадеш касес багьанданра мурталра учIес чебиркур. Гьарил адамли сай-вегIси гьуни саби чеббиркIуси.
