«Ас-салам» газеталис – 25 дус
«Ас-салам» газеталис – 25 дус
АхIерти «Ас-салам» газетала хIянчизарти, ил берхъахъес дируцад къайгъни диранти, гьарил учIанничи баахъес, къулбасбарахъес бажардидирканти, хаслира Наида Гъуруева.
Газета ишдуслизиб 25 дус биънила байрамличил уркIи-уркIиларад хIуша мубаракдирулрая, хIушаб дузахъес ахъри габ Аллагьли ﷻ, дамсхIедамси ил гIурра гIяхIбухъахъес къайгъни имцIадарахъес арадешра сабурра мурталра каммадиаб.
Нуни ил газета кайсусира ва бучIусира. Дигиличил, халаси пахруличил илизиб бузутала сагакьянчидешличи мурталра пахрубирулра. Разилира илгъуна газета нушала Дагъиста гьарил миллатла адамтачи биъниличи, илини гьарил учIанна рухIла давла ахъбирахъниличи рирхулра. 25 дус дахъал ахIен, гIурра берхъаб ил ва дахъал дусмазиб калаб, нушала бучIантас, жагьилтас гIямрула дурсри кадирхьули. Арали датабая лерилра илар дузути.
Дагъиста халкьла поэт, «Лачин» журналла редактор Аминат ГIябдулманапова
УркIи-уркIилабад мубаракбарес дигулра динна кьяйдурти дагьахъес къайгъилизибси, 25 дус нушала хъулиб дигесили бетаурси газета «Ас-салам».
ХIушала гьамадли ахIенси хIянчилизиб лебилра газета балкьарахъули бузути журналистуни, динна вакилти, гIядатла лукIанти ва ил тIинтIбиранти мубаракдирулрая!
Ара-сагъти гIямру, гьарбизуни ва газета къулбасбирути имцIабиубли дигулра.
