бекlлибиубси бяхlличи чарухъес

Се баралли гIяхIси?

Се баралли гIяхIси?

- Сегъунти дехIибала дархдирхъес асубируси ва илди секьяйда дархдирхъути?

 

- ДехIибала дархдирхъес вирар архIяличивси замана. Дархдяхъес асубируси саби хIерейсла дехIибала хIери гIергъи дирутачил ва бархIехъла дугила дехIибайчил. Мисал, хIери гIергъи дирути дехIибала хIерейс дирутачил дарх дирути сари яра иличи ургIебли, хIерейс дирути дехIибала хIери гIергъи дирутачил дархдирхъути сари. Илдигъунти шуртIри сари бархIехъла ва дугила дехIибала дархдирхънила шайчирра.

 

ДехIибала дархдирхъути архIябала шуртIри ишдигъунти сари дирути:

  1. АрхIяла ца шайчибяхI гьарахъдеш 83 километрличиб камси биэс асубируси ахIен;
  2. АрхIя асубируси журала биэс гIягIниси саби, цархIилван буралли, ил архIяла мурад шаригIятли асудирахъутазибадси биэс чебиркур (хIялалси);
  3. Белгиси мурадличил гьаланачибал вягIдалабиубси мерличи дурабуркIуси архIя биалли.

Адамлис хIери гIергъи дирути дехIибала хIерейс дарес ва дугила дехIибала бархIехъла дехIибайчил дарх дарес дигули виалли, илхIели чедир гьандушибтачил дарх гIурра хIябал шартI тамандарес чебиркур:

  1. Гьала-гьала цаибти дехIибала дирути сари, хIери гIергъи дирути хIерейс дарес кьасбарибхIели, хIерила дехIибала гьалар дирути сари. Илкьяйда бархIехъла ва дугила дехIибалара;
  2. Нигет цаибти дехIибала дарили тамандиайчи бируси саби, гьатIира гIяхIси саби кIиэсти дехIибала дарес нигетра цаибти дехIибала дарес бируси нигетличил бархбяхъялли. Мисал, нуни нигет барира паризалла хIерейсла 4 ракагIятла дехIибала хIери гIергъила дехIибайчил дархдяхъили дарес, Аллагь ﷻ багьандан, Аллагьу акбар;
  3. Дархдирхъути кIидехIелра дехIибала дарх дирути сари, суннатла дехIибала ургар хIедарили яра ихтилатлизи гъудурхIейубли. Амма асубируси саби къамат баресра (дехIибала дарахъес жи).
  4. ВегI хIерируси мерличивад дураухъи виъни.

Эгер адамлис дехIибала гIелайзи ардухес дигули виалли, хIерейсла хIери гIергъи дирутачил яра бархIехъла дугели дирутачил дархдяхъес дигули виалли, илхIели ишгъуна шартI таманбарес чебиркур:

1)ДехIибала гIелайзи ардухес нигет хIерейсла яра бархIехъла дехIибала дируси замана таманбиайчи бируси саби.

2)Адамли дехIибала гIелайзи архули виалли, кIиэсти дехIибала дируси манзил сабайчи, ва дехIиба замана таманбиайчи мусафирли калес гIягIниси саби.

Амма кIидехI дехIиба-ургаб гьабгIергъидеш бузахъни, халаси манзил ургаб хIебатни ва цаэсти дехIибайзиб дархдяхънила нигет бирни суннатси саби.

 

2026-08-01 (Сафар 1448 д.) №8.


Цаибил мер

Школализиб «Къияндешлизибти халкьлис кумекбирни» бикIуси уличил конкурс бетерхур. «…Цаибил мерлис приз бедлугули саби Аслямлис! КIиибил мер сархули сай Рашидли! ХIябъибил – МяхIмудли! Тиладибирулра хIябалра сценаличи абацIахъес ва чула шабагъатуни касахъес»,...


Имам Абу ХIамид аль-Гъазали

УчIанничи кагъар Урши, насихIят бурес гьамадси саби, амма ил кьабулбарес къиянбулхъан, сенахIенну ил кьутIкьусин кабилзан сунела хьуланас гьуни бедлугусилис, уркIилис къадагъаласи дигухIели. Хаслира багьуди касили хьалли нафслис гIелавад вашуси ва дунъялизи вархибси. Илала пикри хIясибли,...


Салат

6 порциялис гIягIни-диркур: гIяргIяла диъ – 300 гр; шиниша хъара – 1 тIакьа; хияр – 300 гр; гидгари – 5; картошка – 400 гр; набадари – 100 гр; шиниша жерши – 20 гр; майонез, зе, исут, кьар – бизидеш хIясибли.   Балкьарахъни: ГIяргIяла...


ЧевяхIсилис бегIлара хIейгуси

(бехIбихьуд 5,6 – ибил номертазиб)   ТIалаб хIясибли декIарбикни Хьунуйзиб ихтияр лебси саби муруйзи магьар кабушахъес тIалаббарес, эгер муруй сунечи шаригIятли хъардарибти таманхIедиралли. ИлхIели илини муруй бедибси магьарла мас чарбарес гIягIниси саби, чула-ургаб гъамдеш бетаурли...


Имам аль-Байгьакьи

Абубакр ГIяхIмад ибну аль-ХIусейн ибну ГIяли ибну ГIябдуллагь ибну Муса аль-Хусравжирди аль-Хурасани, аль-Байгьакьи кьяйда валуси, акIубсири гьижрала 384 ибил дусла шягIбан базлизив, аль-Байгьакь мерла Хусравжирди шилизив. Аль-Байгьакь Нисабур (Нишапур) шагьарличибад гьарахъли ахIи мерлабиубсири,...