Имам Абу ХIамид аль-Гъазали
Имам Абу ХIамид аль-Гъазали
Хъайчи кайэс кьасбарибсила адабуни
- БегI гьалаб пикрибяхIчиаэс чебиркур сунечил хъали–цIа адуцес кьасбарибси рурсили дин бузахъниличи. ГIур жагадешличи, гIур биалли илала мас-давлала даражаличи
- Гьеч асухIебирар тIалаббарес: «ХIуни хIечил барх пулан секIал ха» или
- Асубируси ахIен сукни вашес динна узи сукни вашуси рурсиличи
- Мекъла байрамличиб ЧевяхIсиличивад гьарахъирути яра увяхIирути баркьудлуми дирахъес хIебалтес
- ЦIикурличил цунухъес асухIебирар чинад-биалра чебиуси мерличив
- АсухIебирар гъамтала гьалав цIикурличи байикIес. Ил барес асубирар чIянкIли сабицун калунхIели
Вакил варес гIягIниси саби гъамти юлдашуназивад, бирхауди бихьеси ва гъай-мез хIедируси
Рурсили дин бузахъниличила, илини дехIибала дирниличила яра хIедирниличила, урезиличила, умудешличила, ихтилатлизиб илала дугьбала даражаличила, хъулирад дурарулхъулил ахIенал, илала бегIтачилси бархбасличила багьес чебиркур
Сукни укьайчи дигIянни рурси чераэс кьасбарес гIягIнибиркур. Илала бегIтала хасдешуначила, дин бузахъниличила ва баркьудлумачила.
Сунечи сукни бакIибти рурсила адабуни
- БегI гьалаб илини багьес чебиркур сунечи сукни вакIибсила дин, мазгьаб, адаб-хIяяла ва хIял-тIабигIятла шалти къиликъун.
Илкьяйдали илини балутази хьарбаэс гIягIниси саби илала алавчарти бархбасуначила. Илини дехIибала цунни дирутил яра жамигIятличил дирутил, вачарлизив яра сунела цархIил журала санигIятлизив бархьдеш бузахъулил ахIенал багьес чебиркур.
Рурсили цаибси яргализиб уршила давла ахIенну хIербарес гIягIниси, илини дин бузахъни саби, илала машгьурдеш ахIенну, бухIнабси жагадеш саби.
Илини илала алапаличи кьабулдеш чебаахъес ва илала хъарбаркьуни тамандирес гIягIниси саби.
Ил дебали мягIничебси саби цаличи ца гъамтили бетаэс ва цала-ца ургаб диги акIахъес багьандан.
