бекlлибиубси бяхlличи чарухъес

ДурхIначи диги

ДурхIначи диги

ДурхIначи диги

Ил асхIяб нушала Идбагличи ﷺ уршиличил варх вакIиб. Сунела урши илини гьаман кIапIурцулри ва уммайвирулри. Идбаглисра ﷺ ил секIал хIисаббиуб ва дебали гIяхIбизур. Илини асхIяблизи хьарбаиб:

- ХIед урши дебали дигахъулрив?

Уршила дудешли бекI гьакIбариб. ИлхIели Идбаг ﷺ викIар:

- Марлира, сегъунти дигиличил ва малхIямдешличил хIу уршиличи хIерикIулрил чебиулра. Тяп илкьяйдали Аллагьла ﷻ хIечи гьатIира халаси диги ва малхIямдеш лебниличилара хъуммартид.

ЧевяхIси Аллагьли ﷻ нуша сецадла дигахъулрал аргъахъес багьандан, нушаб – бегIтас малхIямдеш ва диги гибти сари. Илди дигира малхIямдешра биштIатас бяркъ бедлугухIели пайдаладарахъес багьандан, бегIлара Дигичевсили ва УркIецIичевсили гибти сари. Нушазирти хIял-тIабигIят кьалли нушани гIяхIил далутира…

ИмцIаси манзил дигира малхIямдешра нушазир дирухIели, нушани пикрихIебирулра илди нушала уркIбази Илини даахъниличила ва дяхIимцIайзирван чедиъниличила.

ДурхIни халабаибхIели, нуша алавчартани цацахIели илдачирад диги ва малхIямдеш чехIедиулра. Рахли, илис сабабли нушани биштIатас диги чехIедиахъни ва ЧевяхIсилис шукру хIебирни биэс. Марлира, нушани гIяхIбаркь хIебалулрав ва сабурагартили дирулрав? Чили бала? Нушани нушаб гибси диги ва малхIямдеш хъумартурмад иличила биштIатанира хъумартурли саби.

2026-08-01 (Сафар 1448 д.) №8.


Республикализивра цаибси

Дила белкIла игитгъуна адамличила макьала белкIес цазаманализиб къияннира бирар, гьамадлира. Мурхьти багьудлумачилси гIялимличила белкIес, хаслира ил академик виалли, лайикьси тяхIярли бетхIерар или гьанбиркули бирар. ГIялимличил ца даражаличир ихтилатдикIес, гIилмулашал мурхьти илала багьудлумачи...


ЧевяхIсилис бегIлара хIейгуси

(бехIбихьуд 5,6 – ибил номертазиб)   ТIалаб хIясибли декIарбикни Хьунуйзиб ихтияр лебси саби муруйзи магьар кабушахъес тIалаббарес, эгер муруй сунечи шаригIятли хъардарибти таманхIедиралли. ИлхIели илини муруй бедибси магьарла мас чарбарес гIягIниси саби, чула-ургаб гъамдеш бетаурли...


Имам аль-Байгьакьи

Абубакр ГIяхIмад ибну аль-ХIусейн ибну ГIяли ибну ГIябдуллагь ибну Муса аль-Хусравжирди аль-Хурасани, аль-Байгьакьи кьяйда валуси, акIубсири гьижрала 384 ибил дусла шягIбан базлизив, аль-Байгьакь мерла Хусравжирди шилизив. Аль-Байгьакь Нисабур (Нишапур) шагьарличибад гьарахъли ахIи мерлабиубсири,...


Азгъинти дурхIначила

Муртрил сахаватси ва бузери дигуси хъубзара адам хIерирули уили сай. Илала азгъинти ва кьиркьирти дурхIни буили саби. ВебкIес гьалаб хъубзарли дурхIни сунечи жибарили сай ва пулан мерличибси хъуличиб кур буркъадалли, хазна бургидая или бурили сай. Хъубзара вебкIибмад, илала дурхIни ургубализи...


Се бируси?

– Адамли урхIла беткахъибси мицIираг баргили виалли се бируси?   – Эгер адамли шила яра шагьарла дураб урхIла мицIираг баргалли, илизиб ихтияр лебси саби ил сунечил барх арбукес, сунес батес ахIи, илала хужаим варгайчи мяхIкамбарес багьандан. Илкьяйдали илини къайгъибарес...