Самбусу
Самбусу
Самбусу - таджикунала хурег саби самсаличи мешуси.
ГIягIнидиркур:
Белкьунси диъ - 700 гр;
жерши - 4 бекI;
зира - 1 чяйла кьулса;
зе, исиут - бизидеш хIясибли.
БетIулис:
декь - 550 гр;
шин - 200 мл;
дертур ниъ - I00 мл
гIявадеш - 2 халати кьулса;
зе - 2 чяйла кьулса.
Балкьарахъни:
Декьлизи дертур ниъ ва гIявадеш дархаили шинничил кIантIиси бетIу башеная. Ил кIапIбарили камси заманалис батирая. Жерши бибгIянбарая ва диълизи бархаая (диъ таджикунани дисли бибгIянбарили пайдалабируси саби). Жершира диъра гъудурдарая. Жерши диъличил цугбуцалли 30 процентла кьадар биэс гIягIниси саби. Зе, исиут ва зира какьурли камти шинра кертIили гъудурмай башеная.
БетIу бехIцIариван тIинтIбарая ва чедибад гIявадешли бакили, рулет кьяйдали бергая. ГIур цагъунти кесекуначи бутIили, илдира мявабачи тIинтIдарая. Илдачи диъ кабихьили, хIябмузан жура бакIахъили делсеная.
180 градусличи буцIарбарибси духовкализир дерцIахъая.
