Салат
ГIягIнидиркур:
Диъ - 300 гр;
баклажан - I;
дерубти кякянти - I00 гр;
итан жерши - 2 цула;
жерши - I;
хиви - 60 гр;
кьар, зе, исиут, майонез - бизидеш хIясибли.
Балкьарахъни:
Диъ белхьи, бяргIяхъили ургарти кьадарла тугъачи кьисбарая. Баклажанти умударили, камси заманалис зукьити шиннизи кадихьая. ГIур илди урасили гIянчIакIая ва ургарти кесекуначи кьисдарая. Кьар ва хиви дибгIяндарая. БибгIянбарибси жерши гIявадешлизиб берцIая ва илизи баклажанти имцIадарили дерцIая. Илди дуцIухIели бибгIянбарибси итан жершира кабихьая. Салат къатани хIясибли, торт кьяйдали кабирхьуси саби. Цаибил къат диъла кабихьили, чедибад майонезли бакая. ГIур кякянтала ва хивала къат. ГIур биалли баклажанти ва майонез. Къатани хIясибли салат кабихьили гIергъи бегIла чедирад калунти хивани ва кьарли жагабарес вирар. Алавчарли биалли майонезли бакая.
Беркала ашагьаб!
