Лезгибала чуду - цкан
Лезгибала чуду - цкан
ГIягIнидиркур:
Декь - 3 стакан;
Диъ - 500 гр;
Картошка - 3-4;
Жерши - 1;
ГIявадеш - 2 халати кьулса;
КIема - 100 гр;
Чакар - 0,5 чяйла кьулса;
Шин - 1 стакан;
Гидгарила бухъутIа - 1;
Ниъ - 1 халаси кьулса;
ТашкIи - 1 чяйла кьулса;
Зе - бизидеш хIясибли.
Балкьарахъни:
БетIу балшухIели зе, чакар, гIявадеш имцIадарая. Баши 30 минутлис батирая. Белкьунси диълизи бибгIянбарибси жерши, кесекуначи кьисдарибти картошка, зе, исиут, ташкIи имцIадарили лерилра гIяхIил гъудурдарая. БетIу кIел халати, кIел диштIати кесекуначи бутIая. Гьарил кесек бехIцIари кьяйдали гIяхIил тIинтIбарая ва бацIахъибси кIемали бакили даргантани пушла хинкIи дирухIеливан бергая ва камси заманалис батирая. ГIур кIинайсра халасигъуна бетIула кесек тIинтIбарили 1/3 бутIа бухIнабуцла иличи кабихьая. Илала чедибад биштIаси бехIцIари кабихьили диълара картошкалара гъудурмай иличира кабихьая. Илкьяйдали кIелра диштIати бетIула кесек бехIцIари кьяйдали тIинтIдарили илдачи диъ ва картошка кадихьая. БегIлара чедибад биалли кIиибил халаси бетIулизибад барибси бехIцIари кабихьили дубани демхая. Илкьяйдали хIябал "дерхIла" чуду бетаруси саби. Чедибад ниъла ва гидгарила бухъутIала гъудурмайли бакая ва 200 градусла буцIарбарибси духовкализиб берцIая.
