БерхIила вавала кьукьразибад (семечки) пIялцIикI
БерхIила вавала кьукьразибад (семечки) пIялцIикI
Нушани гьалабра буриливан, гьар журала хивазирад пIялцIикIуни дирути сари, ва илди кьацIличил, кашличил, чяйличил дукес вирар. Семечкабазибад барибси пIялцIикIла пайдаличила буралли, илини:
- туми чIумадирахъу;
- холестерин гIяшбирахъу;
- кьаркьайзибси кислота гьунчибуршу;
- имцIати шин дурайу;
- гьимила туми умудиру;
- гIемснала ва лигубала излуми камдиру;
- беркала ашагьахъес кумекбиру;
Ил пIялцIикIли зягIипси адамла гьунар имцIабирахъу, даргмах гIяхIил дузахъу, иммунитет ахъбурцу. Илизибси Е витаминни камличи гIяхIси асар бируси саби. Илкьяйдали илизир лер С, РР, В кьукьяла витаминти, калий, кальций, селен, магний, фосфор, медь минералти ва омега - 3, 6, 9 гIявадешла кислотаби.
Ил асухIебируси саби дулекI изутас, чимхъа-умхитIла ва рудала шайчиб ибкьси аги лебтасра.
Жура-журала хивазирадти пIялцIикIуни бархIилис 1-2 кьулса деркалли, диути сари.
Беркала ашагьаб!
