ХУРЕГ БАЛКЬАРАХЪНИ
Долма (8 порция)
ГIягIнидиркур:
ТIутIила кIапIри – 300 гр;
белкьунси диъ – 1 кг;
биринж – 1 стакан;
цIуба жерши – 1;
итан жерши – 4 цула;
бурт – 400 гр;
кьар, зе, исиут, дерубти специяби – бизидеш хIясибли.
Балкьарахъни: тIутIила кIапIри зукьиси тIем арбукьяхъес руржути шин чертIили 15 минут датирая, зярхIти диалли – 5 минут. Кьямлизи диъ кабихьили, дирцибти биринж, дибгIяндарибти жерши ва кьар имцIадарая. Ил гъудурмай някъличил гIяхIил башеная. Шангла лутIилизи кIапIри кадихьая ва тIутIила кIапIрази диъ бергурли цаличи ца чедетаахъили, лугIянси шали чедиб биэсли кадихьая. ГIур шанглизи долма кIапIдиэсли шин картIая ва илди гьаргхIедиахъес кьям кабихьая. Руржесдиили гIергъи цIаличир 1 сягIят датирая. Илди итан жерши яра зе дархаибси буртличил гьаладихьес вирар.
Салат (3 порция)
ГIягIнидиркур:
Баклажан – 1;
помидор – 2;
нуси – 60 гр;
соус чили – 2 халати кьулса;
шумери – 2-3 кьяли;
кинза – 2-3 кьяли;
базилик – 2-3 кьяли;
зайтунна гIявадеш – 2 халати кьулса;
кунжутла гIявадеш – 2 халати кьулса;
крахмал – 2 халати кьулса;
бархIила вавала кьуми- 1 халаси кьулса;
кунжут – 1 чяйла кьулса;
гIявадеш – 250 мл.
Балкьарахъни:
Баклажанти умударили, кьунбадли кьисдарая, илкьяйдали помидортира. Кунжут ва семечкаби табализир дерцIая. Кьар дирцили халати кесекуначи дурсая. Баклажанна кесекуни крахмаллизир убил-чедарили, дерцIая. Кьямлизир гъудурдарая помидорти, кьар ва гIявадеш. Чедирад нусила кесекуни кадихьая ва кьуми какьая. БегIлара гIергъиси яргализир баклажанти имцIадарая.
Смузи (2 порция)
Дертур ниъ – 400 гр;
хияр – 2;
укроп, петрушка - 80 гр.
Хиярти ва кьар дирцили, хIядурдарая. Кесекунаддарили, блендерлизи кадихьая ва илизир дибгIяндарая, гIур дяргIибти дертур ниълизи дархаая.
Беркала ашагьаб!
