Хурег балкьарахъни
ГIяргIяла диъ биринжличил
ГIягIнидиркур:
ГIяргIяла диъ – 500 гр;
перец болгарский – 1;
шиниша хъара – 1 тIакьа;
хIяжланкIи – 1 тIакьа;
итан жерши – 2 цула;
шин – 1,5 – 2 стакан;
биринж – 1 стакан;
набадари – 1;
жерши – 1;
помидор – 1 ;
гIявадеш, зе, исиут – бизидеш хIясибли.
Балкьарахъни:
ГIяргIяла диълизи зе, исиут какьурли, гIявадешлизир дерцIая. Диъ убасили, калунси гIявадешлизи бибгIянбарибси жерши, теркализибад дураибси набадари, бурсибси перец, помидор ва бибгIянбарибси итан жерши имцIадарили, 5 минутцадхIи делхьахъес датирая. Овощуначи шин кертIили, биринж дархаая. Гъудурдарая, ружери бакIахъая, зе какьурли ургабси цIаличир 30 минут датирая. Биринж делхьни хIясибли, балкьаъни багьес вирар. Хурег сабаэс 7–10 минут лералли, хIяжланкIи ва хъара дархаая.
Ананасуначилси гIяргIяла салат
ГIягIнидиркур:
ТIакьализирти ананасуни – 300 гр;
гIяргIяла диъ – 300 гр;
чIумаси нуси – 200 гр;
гидгури – 2 ;
хиви – 100 гр;
майонез, зе, исиут – бизидеш хIясибли.
Балкьарахъни:
ГIяргIяла диъ белхьи, бяргIибхIели ургарти кесекуначи бутIая. Ананасуни ургарти кьунбачи дурсая, илкьяйдали делхьунти гидгурира. Нуси теркализибад дураили, майонез кабихьая ва лерилра гъудурдарая. Чедирад кесекунардарибти хиви какьая.
Дерубти цIедешлизирад компот
Нушаб гIягIнидиркур дерубти цIедеш: гIинцби, кякянти, къимиз тIутIи – 500 гр., шин – 3, 5 литр, чакар – 100 гр. Дерубти цIедеш дирцили, умударая. Шанглизи кадихьили, чедирад шин кертIили, ружери бакIахъая. Илди руржахъули 10-15 минут датес вирар камси цIаличир.
Беркала ашагьаб!
