Салат «Мельница»

Салат «Мельница»

ГIягIнидиркур:

ХIяйва диъ – 300 гр;

Картошка – 3;

Набадари – 1;

Гидгари – 3;

Зукьити хиярти – 2;

Зукьити шайтIа кьапIни – 100 гр;

ЧIумаси нуси – 100 гр;

ЦIуба жерши – 1;

Зе, майонез бизидеш хIясибли.

Балкьарахъни:

Диъ, картошка, набадари, гидгури делхьи дяргIяхъая. Халати тIярхъубар теркализибад дураибси картошкала цаибил къат кабихьая. Илала чедибад дибгIяндарибти шайтIа-кьапIни ва жерши гъудурдарили илдала къат кабихьая ва майонезли бакая. Диъ кьунбачи бурсая, ва гIергъиси яргализиб кабихьая. Илала чедирад теркализирад дураибти хиярти кадихьили гIурра майонезли бакая. ГIур дибгIяндарибти гидгурала къат барая ва илра майонезли бакая. Набадари халати тIярхъубар теркализибад дураили, чедибад кабихьая, майонезли бакая. БегIла гIергъиси къат теркализибад дураибси нусила саби. Камси заманалис салат холодильниклизи кабихьая.

Беркала ашагьаб!