Дурхъаси балга

Имам Муслимли Идбагла ﷺ иш гIергъиси балга бурусири:

«Аллагьумма аслихI ли дини, аллязи гьува гIисмату амри, ва аслихI ли дунъяя алляти фигьа магIаши, ва аслихI ли ахирати алляти фигьа магIади. ВажгIалил хIаята зиядатан ли фи кулли хайрин, важгIалил мавта рахIатан ли мин кулли шаррин».

МягIна: «Я Аллагь ﷻ, дила дин ункъбара, къулайбара, гьарил баркьудилизиб ну мяхIкамвируси, дила иш дунъяличирти гIямалти гьунчидуша, ну чучи чарирути дила даимти гIямру гьунчидуша. Дила гIямру дила гIяхIти баркьудлуми имцIадирутили детаахъа, ва дила бебкIа гьарил вайдешлизибад паргъатсили биахъа.

Иш балга дебали дурхъасилизи халбируси саби, ил багьандан ил гьаман бучIеная, хаслира балга–дугIя кьабулбируси замана.

Гьар бархIи бучIес гIяхIси

Гьар бархIи 70 –йна «Астагъфируллагь» бучIути адамтала ЧевяхIсини 700 – цад бунагь урису ибси гIялимтала пикри лебси саби. Ил усес кайхьунхIели бучIес гIяхIси саби.

МухIяммад Идбагли ﷺ гьаман бируси балга

«Я мукьаллибаль кьулюби, саббит кьальби гIяля диника».

МягIна: «Ва уркIби ва илдала даража барсбируси, чIумабара дила уркIи ХIела диннизиб».

Тавба

Тавба – ил дарибти бунагьуначи пашманвиъни ва Ил бунагьуначивад чевверхахъес ЧевяхIсиличи дугьаизурли тиладибарни саби.

Тавба нушала балга-дугIя Аллагьли ﷻ кьабулбирнила бекIлибиубси шартI саби. Ибн ГIумарли буриб: «Нушани бакьира Аллагьла Расулли ﷺ ца мажлисличив 100 -на тавбадирули ва викIули:

«Рабби-гъфир ли, ва туб гIаляййа, иннака анта таввабу ррахIим». МягIна: «Я дила Аллагь ﷻ, дила бунагьуначивад чевверхи ва дила тавба кьабулбара, марлира, ХIу – тавба кьабулбируси, уркIецIичевси cайри».