Идбагла ﷺ хIябал дугIя
Адамли сунела бархIи хъуливад дураулхъухIели бархьли бехIбихьалли, лерилра ил шайчир дурути насихIятуначи лехIирхъули, бирхауди леб ил бархIи баракатчебси бирни.
Хъуливад дураулхъухIели, Идбагли ﷺ ишди дучIутири:
- «БисмиЛлагьи, таваккяльту гIаля-Ллагьи! Аллагьумма, инни агIузу бика ан азылля ав узалля, ав азилля, ав узалля, ав азлима, ав узлама, ав аджгьаля ав йуджгьаля гIаляййа».
МягIна: «Аллагьла ﷻ уличил хъуливад дураулхъулра, Аллагьличи ﷻ вирхулра! Я Аллагь ﷻ ХIела кумекличи хъарахъира, гьунчивад чевхIелкIес багьандан, хатIахIейкес багьандан, ва ну чилилра гужли хатIализи хIейкахъес багьандан, бархьагардеш хIебарахъес багьандан, ва набчил бархьагардешличил хIебиахъес, чурхси тIабигIятла бегIтазивад ва багьуди камтазивад верцахъес багьандан. (Абу Давуд, Тирмизи, Ибн Маджа).
- «БисмиЛлягьи, таваккальту гIаля-Ллагьи, ва ля хIавля ва ля кьуввата илля биЛлягь».
МягIна: «Аллагьла ﷻ уличил (хъуливад дураулхъулра), Аллагьличи ﷻ вирхулра, вайси, бунагьси батурли гIяхIсиличил виэс, Аллагьлис ﷻ суждабирес цIакь агара ца Аллагьличибад ﷻ ахIи. Анаслизибад багьахъур Идбагли ﷺ бурибси: «Чили хъуливад дураулхъухIели иш дугIя белчIалра, илизи бикIар: «ХIу бархьси гьунчивад вашуд, мяхIкамвирури, шайтIан хIечибад гьарахъбиркур».
- «БисмиЛлягьи, ат-тукляну гIаля-Ллагьи, ла хIавля ва ля кьуввата илля биЛлягь».
МягIна: «Аллагьла ﷻ уличил дуравхъунра, Аллагьлизибад ﷻ ахIенси я цIакь агара, вайси батурли гIяхIсиличи шурухъес, кьуватра агара, Аллагьлис ﷻ гIибадат бирес, гIяхIсиличил виэс ца Илизибад ахIенси. Иш Идбагла ﷺ суннат бирусилис халаси кири биули саби, вайсилизавад уцахъули сай ва адамла шишимъала урисули сари кIелра дунъялизир.
