бекlлибиубси бяхlличи чарухъес

Балга-дугIя

Балга-дугIя

ДугIя:

1.Я Дила Аллагь ﷻ, ну тIашхIели Исламличивли мяхIкамвараба, ну кайибхIелира Исламличивли мяхIкамвараба, ну усухIелира Исламличивли мяхIкамвараба.

  1. Я Аллагь ﷻ, нуша бутIаладараба ХIуни ХIела Алжанализи ардукеси мутIигIдешлара, иш дунъяла къияндешуни кункдирахъуси умутлара.

БиштIаси ва халаси ширклизивад верцес багьандан бархIилис чуйнара тикрарабарни дебали дигеси саби.

  1. Я Дила Аллагь ﷻ, ХIела уличибли тиладибирулра дила гIибадатлизибад хIед кумхакьяна лугнилизивад ну верцахъни. Нагагь нуни хатIаличил (хIебагьурли) ил барили виасли., ХIу набчивад чевверхни тиладибирулра.
  2. Я уркIби дархьдирахъан Аллагь! Бархьбара дила уркIи ХIед тIягIятличи, ХIела динничи.

 

 

ХъумхIертести насихIятуни

- хIуни Аллагьличила ﷻ хъуммартид, Аллагьли ﷻ хIура хъумхIертурину;

- хIуни Аллагь ﷻ лаймай-кIид, Аллагьли ﷻ хIура лайхIейкIурину;

- хIу шадхIели Аллагь ﷻ гьаниркахъен, хIу децIлизивхIели Аллагьли ﷻ хIура гьаниркахъурину;

- Сай дигахъусилис Аллагьлис ﷻ илра дигахъу;

- Аллагьлизивад ﷻ урухкIен, амма Илала уркIецIиличи хьуликIен;

- Аллагь ﷻ дебали жагаси ва жагадеш дигахъуси сай. ЧевяхIси Аллагьли ﷻ адамра жагати куц-кабизличилси, чарх-бекIличилси акIахъуб. Ил багьандан хIура баркьудлумазивра, пикруми-кьасаназивра, хIял-тIабигIятлизивра жагасили ветаэс кьасбара.

2026-09-01 (РабигIуль-Авваль 1448 д.) №9.


Дурхъати дугьби

Бусурман узис бируси балга   ХIядислизиб бурили саби: «ВалхIелуси бусурман узис бируси балга ЧевяхIси Аллагьли ﷻ кьабулбируси саби. Илала бекIла мякьлав вархьибси малаик вируси сай, гьар илини балга бирухIели «Аминь» викIуси ва илисра тяп илгъуна тиладибируси. Мисаллис,...


Идбагла ﷺ гIяхIти хIял-­тIабигIят

Дурхъаси Кьудратла ВегI Аллагьли ﷻ МухIяммад Идбаглис ﷺ гIяхIти хIял-тIабигIятра, жагати куц-бекIра, арадешра дедибтири. Ил лебтасалра ряхIму-уркIецIи сайлин ва гIибрат сайлин вархьибсири. Лебилра Аллагьли ﷻ адамтачи бархьибти идбагунала чердикIибти къиликъуни лертири илизир: гIякьлу, ряхIму,...


РабигIуль-авваль базла дурхъадеш

РабигIуль-авваль баз ЧевяхIси Аллагьли ﷻ дурхъабарибси саби лебил Сунени бархьибти идбагуназивад бегIлара Сунес дигуси Расул ﷺ акIни багьандан. Ил сабабли ил нушаб лебтасалра дебали дигахъес чебсира саби. РабигIуль-авваль – нушала дурхъаси Идбаг ﷺ акIубси баз саби, нуша жагьаннабла цIализирад...


Россия гъармука улка ахIен

Нушала улкали Украинализиб дурабуркIуси дявила хасси балбуц 1941-1945-ибти дусмазиб Германияла фашистуначил кабикибси нушала ВатIа ЧебяхIси дергъичиб бухъянбитIи саби. Ил багьандан ургар Россияла Президентла пресс-секретарь Дмитрий Песков илис «нушала улкали Украинализиб дурабуркIуси дявила...


«Дарга, барая балга»

ГIяллаева ПатIимат БяхIмудовна акIубси сари Дахадаевла районна КьярбачIимахьила шилизир 1981 ибил дуслизир. Илала белчIуди 1987 ибил дуслизиб бехIбихьибсири, Къаякентла районна Сагаси Вихърила школализиб. БелчIудилизир гьаларяхI аррякьунси илини кIел класс тамандариб ва КьярбачIимахьила школализиб...