ЖумягI бархIила балга
ЖумягI бархIила балга
ЖумягI бархIи Аллагь ﷻ гьануршули балга-дугIя дирули, Идбаглис салават буршули дирес чебиркур цархIилти бурхIназиртачир имцIали.
Анасличибад баахъибси хIядислизиб бурули саби: «Аллагьли ﷻ бунагьуни урису, жумягI бархIи савлила дехIибайс гьалаб дарибти бунагьуначи уркIи-уркIилавад пашманиубли, хIяйна буралли:
«Астагъфиру-Ллагьи ллязи ла илягьа илля гьуваль хIаййаль къаййума ва атубу иляйгьи»
МягIна: «Аллагьлизи ﷻ чевверхни тиладибиулра, ил ахIенси цархIил агара гIибадат барес лайикьси, даим мицIирси, селичилра хIяжатхIеркуси. Иличи сайра ну тавбаличил дугьаилзуси» - илала бунагьуни урхьулизирти хьулехьуницад диалра».
ЖумягIла дехIибайс гIергъи ил тяхIярлизив кали «Ташагьуд» бучIухIели кьяйда вяшхIевхъи 7 – на сура «аль - ФатихIя», «аль - Ихляс», «аль – Фалякь» ва «ан – Нас» делчIни гIяхIсилизи халбируси саби. Ил мягIничебси суннат саби.
ХIядислизиб бурули саби, ил тяхIярли жумягIла дехIибала дарили гIергъи илди сураби делчIунси Аллагьли ﷻ гIергъиси жумягIличи бикайчи зараллизивад уцахъу. Илди сурабас гIергъи гIяхIси саби 4 – на гIергъиси дугIя бучIни:
«Аллагьумма, я гъанийю, я хIамид, я мубдиу я мугIид, я рахIиму я вадуд. Агънина бихIамдика гIан хIарамика, ва битIагIатика гIан магIсыятика, ва би фадлика гIамма сивака».
МягIна: «Я Аллагь ﷻ, давлачевси, гапличи лайикьси, вехIирхьуси, чарбируси, уркIецIичевси, ну хIялалсиличи разисили виахъаба, хIярамси батурли, бунагьласи батурли хIед гIибадатлизивси виахъаба. ХIела уркIецIиличибли ну ХIечи разисили виахъаба».
