Малаикунани уркIила зикру лукIусив?
Малаикунани уркIила зикру лукIусив?
УркIила зикру или ируси саби ил адамтала баркьудлуми лукIути малаикунас дигIянаси биъни багьандан.
ТIама агарли, гIяшли, амма мухIли шивкIивбикIахъули бучIуси зикру уркIила зикру ахIен. УркIила зикру – ил хасси тяхIярла зикру саби, Идбаглис ﷺ ва илала гьуникад башантас хасбарибси саби.
ГIялимтала чумал пикри лер малаикунани уркIила зикру лукIниличила.
Имам Нававини бурули сай малаикунани ил лукIуси саби или.
ГIялим ГIиззудин бин ГIябдуссалам викIули сай: «Бахъал гIялимтала пикри хIясибли, малаикунала лагъла дигIяндешуначи гьуни лебси ахIен, илдани илала уркIила гIилму дагьес бирути ахIен ва малаикуни илала уркIила бухIна хIербикIути ахIен». Аллагь ﷻ вагьурти гIялимти-гIярифунира илкьяйда бикIули саби.
Ишгъуна пикрира леб: «Малаикунани лагъла уркIила бухIнабси гIилму балуси саби, амма ил белкIес илдазиб ихтияр агара, лукIуси биалли, мухIлили ибсицун саби». Амма иличила чилилра хIебала, накьшубандила тIарикьатла гIялимтала пикри хIясибли, малаикунани уркIила зикру лукIуси ахIен.
