СУАЛТИ-ЖАВАБТИ

СУАЛТИ-ЖАВАБТИ

- Асубирусив мижитунас идбагунала, асхIябтала, динна гIялимтала уми дедлугес, мисаллис, ГIиса Идбагла мижитлис кьяйда?

- Мижитунас идбагунала, асхIябтала ва динна гIялимтала уми дедлугес асубируси саби. Илдигъунти тяхIяр-кьяйда МухIяммад Идбагла ﷺ манзилличирад кадизурти сари. Мисаллис, Мадинализибси мижитлис илини сунела у бедибсири: Аль-Масжид ан-Набави, итхIейчибад илис илкьяйда бикIуси саби «Идбагла ﷺ мижит».

Илкьяйдали Иерусалимлизибси мижитлисра илини Ильяс Идбагла у бедибсири. Илала дурабад Аллагьла Расулла ﷺ манзил хIябал мижитлис уми дедибтири, кIел Мадинализирадти кьамла хIурматлис – Бану Зурайк ва Бану ГIябдуль-АшхIаль, ва асхIяб – Амр ибну Авфа дикIути. Имам ан-Нававини лукIули сай: «Идбагла ﷺ «Мижит Бану Зурайк» ибти дугьби далилли дирули сари, у бедили, илала уличилси мижит саби викIес асубирнилис». Имам КьуртIуби викIар: «Мижитуни ЧевяхIсила арилизир диалра, цацахIели декIардарес чила-биалра умира дедлугути сари».

Мижитлис мурул адамла ва хьунул адамла уми дедлугес асубирар. Мисаллис, саляфунала манзил (цаибти бусурмантала хIябал насаб) мижитлис ГIяйшала (р.гI.) хIурматлис у бедибсири. Ил тIашбатурсири гьижрала 3-ибил даршдуслизиб. («ФатхI аль-Бари» -шархI «СахIихI аль-Бухари», «Умдат аль-Кари» - шархI «СахIихI аль-Бухари», «Тафсир альКьуртIуби»).