Кайхьес гьалаб
Цагьачам Аллагьла Расулла ﷺ рурси Фатима сунела мурул ГIяли ибн Абу ТIалиблизи гIярзрухъун, някъла шинкьали сунела някъби изахъули сари или. ГIяли илизи викIар: «ХIела дудешличи ясирти кили хебну, рякьи хIерризи, рахли хIед кумеклис къараваш рареси рургидал». Ил дудешличи рякьун, амма урезили сен ракIибсилра хIебурили, хъули чаррухъун. ИлхIели ГIяли сай вякьи Идбагличи ﷺ тиладибариб, сунела дигуси рурсилис ясиртазирад кумекчи редахъес. Амма Аллагьла Расулли ﷺ илала тилади бартаахъес хIейрулри, гьалаб мискинти пайлахIебарили. Ил багьандан ил илдачи вакIили викIар: «Бурсидаришав хIушала тиладиличиб гьатIира гIяхIси секIайчи?» Дусес калхьухIели, ишди дугьби тикрардиреная:
«СубхIянаЛлагь» (Аллагьлис ﷻ деза) – 33 –йна,
«АлхIамдулиЛлагь» (Аллагьличи ﷻ шукру) – 33 – йна,
«Аллагьу акбар» (ЧевяхIси Аллагь ﷻ) – 34 – йна. Ил хIушаб къуллукъчибачибра гIяхIси саби».
ГIялини бурусири: «ИтхIейчибад, Аллагьличил ﷻ хъя бирулра, цалра дуги илди Идбагли ﷺ дагьахъурти дугьби хIеделчIи хIедатурра». Илизи асхIябтани хьарбаиб: «Сафиннизиб кабикибси дявила дугира (цIакьси дергъ биубсири) делчIунрив?» «ГIе, Сафиннизибси дергъла дугира делчIунра», - викIар ГIяли.
