ДурхIнас Идбагличила ﷺ хабурти
Cеличила хьарбиусири илини?
Нушани виштIаси акIниличила багьурхIели, сегъунти суалти хьардиули дирехIе? «Уршив яра рурсив?» «ВиштIасила сецад битIакI леба?» «Чичи мешули?» – ва иладачи мешути цархIилтира. Тамаша ахIену, нушала Идбаг ﷺ селичила пикриикIулрира виштIаси акIниличила хабар бакьибхIели? Се хьарбиусири илини?
Аллагьла Расулли ﷺ виштIаси акIнила гIяхIла хабар бакьибхIели, нушани хьардиутигъунти гIядатла суалти хьардиути ахIенри. Ил иш дунъяличи вакIибси виштIасилис илдигъунти суалтачил гьунивиуси ахIенри. ГIяйшани (р.гI.) бурни хIясибли, нушала Идбагли ﷺ хьарбиусири: «ВиштIаси ара-сагъсили акIубу?» или. Ил суал нушала дагьрилизиб биалра, нушани иличила хьарбиули хIедирехIе, цархIилван биэс хIебирухIеливан. Марлира, ЧевяхIси Аллагьли ﷻ иш дунъяличи алкIахъуси виштIасила гьарил биркIан ара-сагъсили акIахъубли виъни – ил саби бегIлара мягIничебси.
Нушала Идбагли ﷺ «ВиштIаси ара-сагъли сай» ибси жавабла аргъили, Кьудратла ВегIлизи шукру бирусири. Нуша акIубси виштIасиличи х I е р д и к I у х I е л и, имцIаливан ил акIахъубсилис шукру баресалра п и к р и х I е д у л х ъ у л и р а . Асубирар, ил секIал хъумуртнила багьанали биэсра нушани нушала биштIатазирад баркаллала дугьби хIергъути. Нушала ЧевяхIсиличи таманси ахIенси мукIурдеш нушани дурхIнас бедлугуси бяркълизибра багьарбулхъули саби.
ВиштIасини бегI гьалаб буруси
ЧевяхIси Аллагьли ﷻ МухIяммад Идбаг ﷺ бегIлара гIяхIти к ъ и л и к ъ у н а ч и л акIахъубхIели, Идбаглира ﷺ ЧевяхIсини аманат барни хIясибли, дурхIнас бяркъ бедлугусири. Илини сунела гIибратличил чебиахъусири адамти-ургав секьяйдали вяшикIес гIягIнисил.
Кьудратла ВегIли ﷻ Расуллис ﷺ дегIлара гIяхIти хIял-тIабигIят дедибтири. Идбагли ﷺ сунела уммат уркIиуркIилабад дигахъусири. Илдачил малхIямсили ва уркIецIичевсили вирусири. Нушала Идбаглис ﷺ дигусири, виштIаси гъайикIес вехIихьибхIели, илини бегI гьалаб Аллагьла ﷻ у ахъили. Цаибти дугьби балли, гъайикIес бурсивирусила Аллагьли ﷻ бархьибси аятли диубли дигусири. ГъайикIес вехIирхьуси виштIасилизи Идбагли ﷺ илди верхIна тикрардирахъутири, гIур уркIиличир далахъутири. Идбагли ﷺ илди бегI гьаларти дугьби «АльИсра» сурализибадси 111 ибил аят биубли дигусири.
