ГIяхIбаркьла баркьуди
ГIергъиси замана гIямрула къиянти шуртIрази бикибти хьунул адамти имцIабикIули саби: мура зулмулиу бикибти, зягIипдеш сабабли цунни калунти, мурул вебкIили гамъабиубти, бахъал дурхIначилти ва цархIилтира.
ХIера МяхIячкъалализиб илдигъунти хьунул адамтас хасбарибси динна центр «Марьям» тIашбалтнила хIянчи детурхули сари. Ила дугьабизес бирути саби гIямрулизир къияндешуни къаршидикибти декIар-декIарти динанала ва гIямрула хьунул адамти: гамъаби, ятимти, декIарбикибти ва гIулухъа-рурсбира бархли. Илдас кумекбарес багьандан илаб юристуни, психологуни, теологуни ва цархIилтира специалистуни хьунул адамти бузути саби.
Дагъистанна лерилра районтазибадти шимала ва илкьяйдали шагьуртала жамигIятли ил центр балкьаахъес кумеклис арц дурчули, гIяхIбаркьла баркьуди дурабуркIули саби. Дубурла районтазибадти шагьуртазиб хIербирути вакилтанира ил балбуцлизир бутIакьяндеш дирули сари.
ХIера, гьалабван Ахъушала районнизибадти шагьарлизиб хIербирути вакилтани илгъуна гIяхIбаркьла балбуцлизи чулара пай кабихьиб. Илдани дучибти арц «Марьям» центрла руководитель Марьям ГIябдулхаликьовачи дедиб. Ил центрлис Дагъистанна Муфтиятли кумекбируси саби ва «Инсан» фондли къелгIеббикуси саби.
Баркалла балахъулра лебилра гIяхIбаркьла баркьудилизир бутIакьяндеш дарибти, уркIи изути адамтас.
