Баркалла балахъулра
Баркалла балахъулра
Нушала республикала гьар мераначир дурхъаси Рамазан баз бехIбихьибхIейчибад жамигIят цалабикили, цахIнаб дубкабалтнила далдуцуни – ифтарти детурхни гIяхIси гIядатли бетаурли саби.
Гьалабван ГI. ГIямаровла уличилси спортла комплекслизибра лебил цах1наб дуббалтни–ифтар бетерхур, сунечибра 500 адам цалабикибси. Ил балбуц дураберкIес лерилра шимала шантанира кумекбарилри. ЦацабехIтани кьуцIри дерцIахъили, цархIилтани чудни ва цархIилтира хурегуни, хIябэстани биалли, арцличил кумек гIеббиахъули. Илкьяйдали гIяхIбаркьла баркьуди дураберкIили, районнизибадти дураб хIербирути адамтанира арц дархьибтири. Ил тяхIярли детерхур ифтартимажлисуни Цугнила, ТIантIала, Усишала, Куркебимахьила шимазирра, районнизибадти жагьилти-ургаб МяхIячкъалализибси «Европа» заллизибра. Илкьяйдали Ахъушала районна хьунул адамтиургаб дурхъаси Рамазан базлис хасбарибси мажлис бетерхур. Илди лерилра мажлисуни дурадеркIнилис сиптакар виуб Мурад МяхIяммадов.
Мурад МяхIямадов Ахъушала районнизибси Муфтиятли къелгIеббикуси багьудила отделла руководитель сай. Илини Дагъистанна исламский университет таманбарили, илар дурсри кадирхьули узуси сай. Ил акIубси сай МяхIячкъалализив, илала бегIти Дахадаевла районна УргIерила шилизибадти саби. ДусцадхIи районнизив узули, илини «Ас-Салам» газетала хIянчизар МяхIмуд Рабадановличил жагьилти бархьси гьунчибад чебхIебалкIахъесра халаси хIянчи дураберкIибси саби. Илкьяйдали Ахъушала районнизиб «Ас-Салам» газета тIинтIбаресра халаси кумекбариб. Мурадла ва МяхIмудла къайгъиличибли, Ахъушала районни газета къулбасбирнила шайчиб, лерилра даргала районти-ургаб цаибил мер буциб. Ил багьандан Дагъистан республикала «Ас-Салам» газетала шайчивси бекI хIянчизар Ибрагьимханов МяхIяммаднурли Мурад МяхIяммадов шабагъатлаварили, Баркаллала кагъар ва цархIилти савгъатуни дедиб.
Нушала ихтилатлизиб Мурад МяхIяммадовли хIянчила манзил сунес там а ш а д и з у р т и а н ц I б у к ь у н и р а г ь а н д у ш и б . СирхIяла шилизибти гьести гIямрула адамти гьарил «Ас-Салам» газета касайчи, хIерти саби. Ил касибмад, гумайла цалабикили, илавси ца ухънани лебтасалра ахъли бучIусири. ЦархIилти шимазиб кьяйда Усишала шилизибтира газеталичи хIерли саби. Хаслира ПатIимат Асильдарова газета дурабухъайчи хIерли ва зянкърикIули, ил шантачи баахъес халаси кумекбируси сари. Ил тяхIярли, «Ас-Салам» газета районна халкьлис бучIес дигахъу ва къулбасбиру. Редакцияла шайзибадра Ахъушала районна шимала шантас халаси баркалла багъахъес дигулра, лерилра даргала районтиургаб газета къулбасбирнила шайчиб цаибил мер буцниличил ва уркIи-уркIилабад мубаракбирулра.
Ифтарти
ГьанбуршехIе, лерилра шагьуртазирра, районтазирра илдигъунти ифтарти детерхур. Дагъистанна бекIлибиубси мижитла гьалабси Рамазанна чятирлизиб гьар бархIи сухIуртачи ва ифтартачира бархли бахъал адамти цалабиркули, илдала лугIи 4 азирличи абиркуси саби. БекIлибиубси хурег саби плов, цIедеш, овощуни, кьацI, чумиздагуни, чуду-хинкIи, муридешуни ва цархIилтира. Илкьяйдали гьанбушес чебиркур Муфтиятла сипталичил бетерхурси лерилра республикала газетаби-журналтала, радио-телевидениела, ва багьахънибала сайтанала организациябала руководительтас дураберкIибси ифтарличилара. Илала дурабадра ГIиса Идбагла rI уличилси динна Центрлизибра гьар бархIи 3-5 азирличибра имцIали адамти цалабиркути саби ифтартачи. Ишаб бурес чебиркур, илди гьарилти мажлисуначи башути саби динна гIялимти, цархIилти регионтазибадра бархли хIурматла гIяхIли ва вягIза-насихIятуни дурадуркIути саби. Халаси балбуц бетерхур «Ажни арена» стадионничибра. Ила лебилра республикала ифтарличи цалабикибси жамигIятлис бизити хурегунани даршибти кьумурти гьаладихьилри. Мажлисличи цалабикиб республикла Правительствола бурги, Северный Кавказла федеральный округла вакилти, Татарстан республикала муфтий Камиль Самигуллин, Кировла областьла муфтий Зуфар Галиуллин, ва бахъал цархIилтира динна гIялимти ва гIяхIли. Балбуц жагабарилри зайдикIути нашидунани ва вягIзабани. Дебали дигеси саби илдигъунти мажлисунани бусурманти уржахъни ва цабирни.
МЯХIМУД РАБАДАНОВ
