Ислам динна чебяхIти хьунул адамти
Фатима Аль Яман
Фатима динничи чекаризурси ва кьисматличи разиси, асхIябтазирадси хьунул адам сарри.
Ил исламла динна шалали гьар шайчибад шалабарибси хъалибарглизир акIубсири.
Фатимали бусурман дин кьабулбарибсири ислам дакIубиубхIели. Илини МухIяммад Идбаглис ﷺ мардешла хъя бедибсири ва ислам динна тарихлизи белгиси пай кабихьибти хьунул адамтала къяяни чедицIахъибсири.
Фатимали илкьяйдали МухIяммад Идбагла ﷺ хIурмат-кьиматличила бурусири.
Фатима бинту Яман МухIяммад Идбагла ﷺ хIядисуни дурибси хьунул адамтазирад ца сари.
Ил Идбагла ﷺ гьалар ахъси даражаличилсири, тяп илкьяйдали Аль - Яман хъалибаргра. Илдала асхIябти-ургабра ахъси даража лебсири.
Илди лебтанилра белгиси пай кабихьибтири жамигIят ургаб ислам дин тIинтIбирнилизи, иличибли илди асхIябти-ургабра талихIчебтири.
ЧевяхIси Аллагь ﷻ разили виаб Фатимачи ва нуша иличи мешутили детаахъаба. Амин!
