Курегала дахни
Курегала дахни
Гьалабла замана курегализибад каш гьаман бирусири. Хала нешанани ил имцIаливан дерубти курегализибад бирутири. Илди гьаланачи шиннизи кадихьили кIантIидарили, гIур делхьахъи ва улализирад дураили. Курегала сабухъ бурчуси манзил биалли, зярхIти курегализибадра бирутири. ИшбархIила манзил курегала соклизибадра бирули саби.
ГIягIнидиркур:
Курегала сок – 1 литр;
Шин – 1 стакан;
Декь – 0,5 – 1 стакан;
ПIялцIикI – 3-4 кьулса;
КIема – 50 гр;
ГIявадеш – 3-4 кьулса;
Чакар ва варъа бизидеш хIясибли.
Балкьарахъни:
Камси цIаличи шанг чебизурли, сок кертIая. ЦархIил шанглизи шин кертиIили ила кам-камли декь имцIадирули гъудурбарая, буцбиайчи. ГIяхIил шишбарая декьла кьала кахIелесли. Сокличилси шанг руржесбяхIибхIели, шишбикIахъули чакар какьая ва шиннара декьлара гъудурмай ила имцIабарая. ИлхIелира гIяхIил шишбарая. ГIур руржахъес батирая, ил цIяббиресбирхIур. Каш белхьес багьандан цIаличи чебизурхIейчибад 25 минут ардукьес гIягIниси саби, цараван буралли, дахнилизиб декьла тIем хIебиалли, каш хIядурли саби.
ПIялцIикI – 3-4 кьулса, 3-4 кьулса гIявадешла ва камти руржути шин дархаили, гъудурбарая ва камси цIаличиб ванабарая. Ила бизидешлис варъа яра чакар бархаэс вирар. Кьямлизи каш кабихьили чедибад пIялцIикI кертIая.
Беркала ашагьаб!
