«Гречаники»
Гречаники бикIуси саби белкьунси диълизи гречкала курпа дархаили дарибти котлетунас.
ГIягIнидиркур:
Белкьунси диъ – 500 гр;
Гречкала курпа – 150 гр;
Гидгари – 2 ;
Жерши – 1;
ДерцIес гIявадеш, дакес декь, зе, исиут бизидеш хIясибли.
Балкьарахъни:
Гречкала курпа дирцили, делхьеная. Белкьунси диълизи бибгIянбарибси жерши бархаая, гидгури, зе, исиут имцIадарили, гIяхIил гъяжбарили, башеная. ГIур мявни дарили, декьли дакая. БуцIарбарибси табализир кIелра шайчирад мургьи ранг диайчи дерцIая.
Гидгурачилси салат
ГIягIнидиркур:
Гидгури – 4;
Нуси – 200 гр;
Майонез – 150 гр;
Крабунала палочкаби – 240 гр;
Консервализирти хIяжланкIи – 340 гр;
Зе, исиут – бизидеш хIясибли.
Балкьарахъни:
Гидгури дирцили, делхьеная, дяргIяхъили дибгIяндарая. Нуси халати тIярхъубачилси теркализибад бархьаая. Крабунала палочкаби кесекунардарая. Лерилра илди кьямлизи кадихьили, гъудурдарая. ХIяжланкIи имцIадарили, майонез кабихьая. Бизидешлис зе, исиут, кьар имцIадарес вирар. Салат хIядурли саби.
Компот «ассорти»
ГIягIнидиркур:
ГIинцби – 350 гр;
Курега – 350 гр;
Кякянти – 330 гр;
Чакар – 100-150 гр;
Шин – 2 литр.
Балкьарахъни:
ЦIедеш умударили, бутIнаддарая, кьуми урасая. Шанглизи шин кертIили, ила цIедеш кадихьая. РуржесдиибхIели, чакар какьая. 5 минут руржахъули гIергъи, компот хIядурли саби. ЦIедеш мурити диалли, чакар камси гIягIнибиркур.
Беркала ашагьаб!
