Идбагла ﷺ хIябал дугIя
Идбагла ﷺ хIябал дугIя
Адамли сунела бархIи хъуливад дураулхъухIели бархьли бехIбихьалли, лерилра ил шайчир дурути насихIятуначи лехIирхъули, бирхауди леб ил бархIи баракатчебси бирни.
Хъуливад дураулхъухIели Идбагли ﷺ ишди дучIусири:
بسم اللَّهِ تَوَكَّلْتُ على اللَّهِ، اللَّهُمَّ إنِّي أَعُوذُ بِكَ أنْ أضِلَّ أَوْ أُضَلَّ، أوْ أزِلَّ، أَوْ أُزَلَّ، أَوْ أظْلِمَ أَوْ أُظْلَمَ، أوْ أجْهَلَ أَوْ يُجْهَلَ عليَّ
- «Би-сми-Ллагьи, таваккяльту гIаля-Ллагьи! Аллагьумма, инни агIузу би-ка ан азылля ав узалля, ав азилля, ав узалля, ав азлима, ав узлама, ав аджгьаля ав йуджгьаля гIаляййа».
МягIна: «Аллагьла ﷻ уличил хъуливад дураулхъулра, Аллагьличи ﷻ вирхулра! Я Аллагь ﷻ ХIела кумекличи хъарахъира, гьунчивад чевхIелкIес багьандан, хатIахIейкес багьандан, ва ну чилилра гужли хатIализи хIейкахъес багьандан, бархьагардеш хIебарахъес багьандан, ва набчил бархьагардешличил хIебиахъес, чурха тIабигIятла бегIтазивад ва багьуди камтазиваб верцахъес багьандан.
(Абу Давуд, Тирмизи, Ибн Маджа).
باسْمِ اللَّهِ، تَوَكَّلْتُ على اللَّهِ، وَلاَ حَوْلَ وَلاَ قُوَّةَ إِلاَّ باللَّهِ
- «Би-сми-Ллягьи, таваккальту гIаля-Ллагьи, ва ля хIауля ва ля кьуввата илля би-Ллягь».
МягIна: «Аллагьла ﷻ уличил (хъуливад дураулхъулра), Аллагьличи ﷻ вирхулра, вайси, бунагьси батурли гIяхIсиличил виэс, Аллагьлис ﷻ суждабирес цIакь агара ца Аллагьличибад ﷻ ахIи.
Анаслизибад багьахъур Идбагли ﷺ бурибси: «Чили хъуливад дураулхъухIели иш дугIя белчIалра, илизи бикIар: «ХIу бархьси гьунчивад вашуд, мяхIкамвирури, шайтIан хIечибад гьарахъбиркур».
بِسْمِ الله، التُّكْلانُ على الله، لا حَوْلَ وَلا قُوَّةَ إِلاَّ باللَّهِ
- «Би-сми-Ллягьи, ат-тукляну гIаля-Ллагьи, ла хIауля ва ля кьуввата илля би-Ллягь».
МягIна: «Аллагьла ﷻ уличил дуравхъунра, Аллагьлизибад ﷻ ахIенси я цIакь агара, вайси батурли гIяхIсиличи шурухъес, кьуватра агара, Аллагьлис ﷻ гIибадат бирес, гIяхIсиличил виэс ца Илизибад ахIенси.
Иш Идбагла ﷺ суннат бирусилис халаси кери биули саби, вайсилизавад уцахъули сай ва адамла шишимъала урисули сари кIелра дунъялизир.
МухIяммад МяхIяммадов
