Идбагличила ﷻ хабурти

Кайхьес гьалаб

Цагьачам Аллагьла Расулла ﷻ рурси Фатима сунела мурул ГIяли ибн Абу ТIалиблизи гIярзрухъун, някъла шинкьали сунела някъби изахъули сари или. ГIяли илизи викIар: «ХIела дудешличи ясирти кили хебну, рякьи хIерризи, рахли хIед кумеклис къараваш рареси рургидал». Ил дудешличи рякьун, амма урезили сен ракIибсилра хIебурили, хъули чаррухъун. ИлхIели ГIяли сай вякьи Идбагличи ﷻ тиладибариб, сунела дигуси рурсилис ясиртазирад кумекчи редахъес. Амма Аллагьла Расулли ﷻ илала тилади бартаахъес хIейрулри, гьалаб мискинти пайлахIебарили. Ил багьандан ил илдачи вакIили викIар: «Бурсидаришав хIушала тиладиличиб гьатIира гIяхIси секIайчи?» Дусес калхьухIели, ишди дугьби тикрардиреная: «СубхIяналлагь» (Аллагьлис ﷻ деза) – 33 –йна, «АлхIамдулиллагь» (Аллагьличи ﷻ шукру) – 33 – йна, «Аллагьу акбар» (ЧевяхIси Аллагь ﷻ) – 34 – йна. Ил хIушаб къуллукъчибачибра гIяхIси саби». ГIялини бурусири: «ИтхIейчибад, Аллагьличил ﷻ хъя бирулра, цалра дуги илди Идбагли ﷻ дагьахъурти дугьби хIеделчIи хIедатурра». Илизи асхIябтани хьарбаиб: «Сифиннизиб кабикибси дявила дугира (цIакьси дергъ биубсири) делчIунрив?» «ГIе, Сифиннизибси дергъла дугира делчIунра», - викIар ГIяли .