Аллагьала ﷻ дурхъати уми

57. Аль – ХIЯМИДУ

ХIекьли гапличи лайикьси. Лерилра дезни ва гапъала Ца Илисцун сари. Илала жагати уми, черяхIти лишанти, пасихIти, хIекьти, уркIецили ва гIяхIдешуна дицIибти. Асилси, чихъси, гапличи лайикьси. Илала хъарбаркьуни ва къадагълуми гьарил анцIбукьлизир гапличи лайикьти.

58. Аль – МУХСИ

ХIисаблизи кайсан. Ил сай Сунела гIилмуличибли лерил секIал алавдурцуси – лугIи, кьадар, ва гьар секIайс дазурби кадилзахъуси. Илизибад селра дигIянбикес бируси ахIен.

59. Аль – МУБДИГIУ

ВехIирхьуси. Ил сай сунес гьалаб селра агаркъи лерилра секIал акIахъубси. Илини саби гьар секIайс бехIбихьуд бедибси ва я мисал, я гIибрат, я сипат агарли лебил хIякьикьат акIахъубси. Чизибадалра гIибрат кахIесибси Ил сай. Сунес дигуси биран сай.

60. Аль – МУГIИДУ

Гьар секIал тикрардиран, чардиран, мицIирдиран. Лерилра мицIирти секIал дубкIахъуси Ил сай. КIинайс илди мицIирдирахъусира Ил сай, илдас гIямру чардиранра Ил сай.

61. Аль – МУХIИЙИ

ГIямру луган, мицIирбиран. Илини сари жан кадирхьути. Ил сай Сунени акIахъубти цацадехI секIайс гIямру дедлугуси, Сунес дигуси тяхIярли. Селра агарсилизибад лерилра секIал алкIахъуси Ил сай. Ил сай бебкIили гIергъира лебилра мицIирбирахъуси.

62. Аль – МУМИТУ

ДубкIахъуси. Лерилра дебкIес дирути секIайс дубкIахъуси Ил сай. Ил ахIенси дубкIахъуси левси ахIен. Ил сай Сунела лугъри сунес дигули кьяйда мутIигIбикIахъуси, ва сунес дигухIели илди бубкIахъуси.

63. Аль – ХIАЙЮ

Мурталра мицIирси. Ил сай бехIбихьуд яра ахир агарси. Ил мурталра вирусири, даим левси ва муталра вируси Ил сай . Ил даим мицIирсира ва мурталра мицIирли кавлусира Ил сай. Ил убкIуси ахIен.

64. Аль – КЬАЙЮМУ

ХъархIерагарли левси, чизивадалра селизивадалра хъархIерагарси, чичилра ва селичилра хIяжатхIеркуси Ил сай. Лебилра къайгъили алавбурцуси, лебтачилра кьакьаикIуси Ил сай. Ил сай гьар секIал акIахъубси, Ил сай илди дихIусира. Гьар секIал далуси Ил сай.

65. Аль - ВАЖИДУ

Давлачевси. Ил сай селра хIебиуси агарси, Ил сай гьар секIал лерси. Илала селра бетихъуси ахIен, Илизир лерилра баркьудлуми кавлути сари. Ил гьар секIал хIисаблизи кайсан сай.

66. Аль – МАЖИДУ

Пергер, кабизалачевси. Илала гьар секIал къулайли сари. Илала ункъдешла бегIлара ахъси даража булан пергерси саби. Илала сари сипатуни черяхIти, сегъунтилра чузир нукьсандешуни агарти. Илизибад саби чебяхIси баракат башуси, Ил сай бегIлара сахаватси ва ряхIмучевси. Сунела лугъри бихIян Ил сай.

67. Аль– ВАХIИДУ

Цайли цаси. Сунела хIекьдешлизив, Сунес цугти агарси, балликьянаби агарси. Лебил ари ва ихтияр Илизибцун саби, ил багьандан ца ахIенси чумал Аллагь ﷻ биэс хIебирар. Ил ахIенси гIибадат барес лайикьси цархIил Аллагь ﷻ агара.

Ил Аллагьла ﷻ у гьар бархIи 1000 тикрарбирусила иш дунъяличирти дигира урехира деткайхъу, ин шаа Ллагь ﷻ.

68. Аль - АХIАДУ

Ца, цацун сайси, Ил цацун сай.

«ЙяАхIаду» у тикрарбиралли цунни калунхIели бархIилис азирна, малаикунани Аллагьличи ﷻ илала тилади биахъу. 1000 Аллагьла ﷻ у тикрарбирусилис дигIяндеш гьаргбирар. Илкьяйдали Аллагьли ﷻ баракат, даршудеш ва ряхIятдеш луга.

69. Ас – САМАДУ

Даимси, гьар мерличивси. Илис саби гьарил секIал мутIигIси ва Сунес балули ахIи селра бетхIеруси. Иличи саби лебил хIяжатти, Сай биалли чизибадалра ва селизибадалра хIяжатдеш агарси. Ил даимси, гьар мерличи виуси ва бегIла ахъси даражала.

Савлила дехIибайс гьаларти суннатла дехIибайзир ил Аллагьла ﷻ пергерси у суждаличив 115 тикрарбаралли ил вархьси ва къалпагарси вирар. Дазалаличил вирухIели ил у чуйнара тикрарбиралли дунъяла гIямалтазивад азадли вирар.

70. Аль – КЬАДИРУ

Ахърила вегI, се дигара барес вируси. Селра агарсилизибад акIахъес вируси ва агарбарес вируси. Гьар секIал пасихIдешличил дируси.

Ил пергерси Аллагьла у 2 ракагIятла суннатла дехIибайс гIергъи 100 тикрарбаралли, душмантачив чедибдеш сарху. Къияндеш лебси се биалра балбуцес гьалаб 41 тикрарбаралли ил хIянчи гьамадли бетурхар. Гьаман уркIи-уркIилабад бучIалли мурадличи виур.

71. Аль – МУКЬТАДИРУ

ЦIакь лугуси. Халаси гьунарла вегI, Сунела лагълис цIакь ва ихтияр лугусигьар ва илдачибли Сунела арии бартарахъуси. Гьар секIал гIяхIил далдикахъес балуси. Сегъуналра ари ва бекIдеш дирни цалра Сунени акIахъубсини Аллагьла ﷻ ахъри агарли сархес хIейрар.

Барес гIягIниси секIал къияндешуни агарли бетурхар, савли гьанкIлизивад чеваргъибхIели ил Аллагьла ﷻ у 20 ва имцIали тикрарбаралли. Гьаман ил у тикрарбиралли бархьдеш балан вирар.

72. Аль- МУКЬАДДИМУ

Гъамбируси. ГьалабяхI бикуси. Ил Аллагьла ﷻ у даим тикрарбирусилис Аллагьли ﷻ луга гъабзадеш, игитдеш ва душманнизибад берцуди (хъуммартидая вегIла нафс саби бегIлара вайси адамла душман). Илини гъамбиру ва къалабабиру Сунес дигуси секIал. Ил у гьаман тикрарбируси лехIихъуси ва мутIигIси ветарар.

73. Аль – МУАХХИРУ

ГIелайзи архуси. ГIелайзиб биэс гIягIниси гьар секIал гIелайзи арбихуси ва Сунес дигуси секIал багьлабируси. Сунес балуси тяхIярли ва Сунела ахъриличибли вирххIерхуси адам, бунагькар ва гьарил гIелайзи арухили виэс гIягIниси мерлабируси.

Адабчевси виэс багьандан ил Аллагьла ﷻ у 100 тикрарбирес гIягIниси саби.

74. Аль – АВВАЛУ

Цаибси. Гьар секIал дакIудиайчи уибси ца Аллагь ﷻ сай ва Сунес гьалаб селра хIебуибси, сенкIун Ил сай гьар секIа бехIбихьудли вируси.

ВиштIаси акIубли дигусини ил Аллагьла ﷻ пергерси у гьарбархIи 40 тикрарбарес чебиркур.

75. Аль – АХИРУ

БегIла гIергъиси. Аллагь ﷻ Сай ахирагарси, даим кавлуси, Сунес гIергъи гIур селра хIебируси. СенкIун Ил сай Цаси, Даимси ва бегIла гIергъиси. Гьар секIал Аллагь ﷻ агарти къирдирути сари.

Ил пергерла Аллагьла ﷻ у гьар бархIи 1000 тикрарбиралли, ин шаа Ллагь:

1) Илала уркIи Аллагьличи ﷻ дигили бирцIу;

2) илала уркIилизибад чичи-биалра ва селичи-биалра хIяжатли ахIенси диги убису;

3) илала бунагьуни урису;

4) убкIухIели иманси бебкIа-личил убкIар;

Гьаман ил Аллагьла ﷻ у тикрарбируси адамла иш дунъяличир гIяхIти гIямру дирар ва дунъяличивад талихIчевли аркьян.

76. Аз – ЗАГЬИРУ

Якьинси. Чевиуси ва гьар лебси секIайзив дакIуулхъуси, сарира Ил левниличила бикьридеш дирути. Гьар секIайчиб даража ЧебяхIси.

Ил у гьар бархIи 500 тикрарбирусила (ишракь дехIибайс гIергъи), уркIи нурли бирцIу ва хIулбала шала имцIабиру, ин шаа Ллагь ﷻ.

77. Аль – БАТIИНУ

ДигIянси. Сунес якьинсира дигIянсира гьар секIайчила балуси. Иш дунъяличив Сай чехIейуси, амма Сунела лишанти якьинси.

Ил Аллагьла ﷻ пергерси у 33 гьар бархIи тикрарбирусилис дигIяндешуни якьиндиру ва Аллагьличи ﷻ хIяйранни дигили бирцIур илала уркIи ин шаа Ллагь ﷻ. Лерил мурадуни диур уркIи-уркIилабад буралли: «Гьува Аввалу валь-Аахиру ваз Захиру валь-БатIину ва гьува гIала кулли шайин кьадир».

Аллагьала ﷻ дурхъати уми