ВегIбекI
ВегIбекI
Гьачам пачали сунела пачалихълизибти ахтардибарес кьасбариб, сунес гIергъи пачалихъла ахъси къуллукъ чили бузахъес вирарал багьес багьандан. Илала жи хIясибли бахъал пасихIкарти ва цIакьти адамти цалабикиб.
- Ва пасихIкарти, - дугьаизур илдачи пача, - нуни хIушаб къиянси масъала хIядурбарира, ва наб багьес дигахъира ил чили арзес вирарал.
Илини цалабикибти дебали халати унзала гьала киб, чилилра илдигъунти унза гьачамалра чедаибти ахIенри.
- Иш дила пачалихълизиб бегIлара халаси ва декIси унза саби. ХIушазивад чили вирара ил абхьес? – хьарбаиб пачали. ЦацабехIти бекIли гьакIбикIулри, цархIилти пасихIкартази халбирутани, мякьлабад унзаличи хIеръили ил абхьес хIебирниличила буриб. ПасихIкартани хIебирули гIергъи, цархIилтира кьабулбикиб ил масъала арзес чус дебали къиянни биъниличи.
Илдазивад ца адамцун унзаличи гъамиуб, ил гьар шайчибад ахтардибариб ва цIакьличил къужбариб. Ва, тамаша, унза гьаргдиуб! Илди гIекIили ахIенрину кьяпIдарили сарри. ЧIянкIли ил ахтардибарес кьасра, цIакьра, урехиагардешра сарри гIягIнити.
ИлхIели пачали багьахъур:
- ХIу пачалихълис бекIдеш дирес лайикьлири, сенкIун хIу цархIилли бурибсиличи лехIяхъили, чебаибси ва бакьибсиличицун хъархIехъили, хIела цIакьаначи вирхулри ва халбирес, къайгъибирес уруххIекIулри.
