Паргъатагардеш яра разидеш
Паргъатагардеш яра разидеш
Ца пасихIси ухънас сунела унраличир хIеррируси хьунул адам мурталра пашманни ва рисули хIисабриуб.
Ил даим рисулри ва гIярзрикIулри берхIи абулхъалра, заб диралра рисулри. ИлхIели ухънани хьарбаиб сен илис кьабулхIебиркусил я берхIи ванабикIуси, я забли ургьуси аргъ. Хьунул адамли жаваб чарбариб:
«Дила кIел рурси лебти саби. Цали адамтала палтар ицули, иличибли яшавбирули сари, цархIилли биалли чятирти дирцути сари. Забли урзухIели, цаибилла арц камдирар, берхIи лебхIели чятирти чилилра хIейсу. Ил багьандан ну дила рурсбачила пикририкIули, кьакьарикIулра.
ИлхIели пасихIкар ухънани унрализи маслигIятбариб гIяхIси аргъла манзил палтар ицусиличила, забли урзуси бархIи биалли чятирти дирцуси рурсиличила пикририкIахъес.
ИтхIейчирад хьунул адам мурталра гIяхIси гьавличил ва сунела рурсбачи разили рири. Илдалара яшав къулайбиуб.
