Имам Абу ХIамид аль - Гъазали

Имам Абу ХIамид аль - Гъазали

ХIяж бирнила адабуни

а) ХIяжлизи аркьухIели:

- гьунчир харждирути арц хIялалли дарибти диэс гIягIнити сари

- архIяличив цархIилти гуьнкьябачил гIяхIли вирес

- гьунчиб бархкьябас ва гIелакабухъунтас кумекбирес

- бархкьябачил хурег буртIес

- гIяхIси хIял-тIабигIятличилси виэс

- жагали гъайикIес

- асубируси тяхIярли масхара бурес

- балликьянаби чебаибхIели пиширхъес

- юлдаш гъайикIухIели иличи лехIяхъес

- къиянти замунтазиб юлдашуначил дягIбиртани хIеркьес

- диштIати хатIаби хIисабхIедирес къайгъибирес

- кумек касибхIели, итмадан баркалла балахъес

- вегIла юлдашуначи имцIали пикри бяхIчииэс ва илдас кумекбарес имкан бургес.

б) ИхIрамлизи кархухIели:

- вазес

- ихIрам умуси биэс гIягIниси саби

- бизили тIемдикIути секIал пайдаладарес (ихIрамлизи керхайчи)

- гуштас кумекбирес

- уркIи-уркIилабад "Ляббайк" дугIя бучIес

- ил бучIухIели тIама ахъбирес

- хIурматличил тIаваф бирес

- Сафа - Марва музурби ургабси дуцI Аллагьла ﷻ разидеш сархес кьасличил бирес

- Кьиямала бархIи чебиуси кьяйда ГIярафатличив тIашизес

- КягIбаличи уркIецIи дакIубирниличи кьяйда хIерикIес

- Жагьаннаблизивад акьуулхъни гьанарахъули гъез кьицIдирес

- бунагьуни урисни балули Кьурбан белгьес

- тIулрази къаркъуби иргьес шайтIунтас иргьухIеливан, Аллагьла ﷻ гьалаб мукIурдеш дакIубирули

- декIарбиркнила тIаваф СиратIла гуми ихъухIели кьяйда барес

- хIяжла рукнуби тамандарили, пашмандешличил Макка бархьбатес ва гьачам гьатIи КягIба чебаэс или хьуликIес.

в) Маккализи айцIули:

- иларти мераначи халаси хIурматличил айцIес

- Маккаличи халаси хIурматличил хIерикIес

- халаси хIурматличил аль - ХIарам мижитличи хIерикIес

- КягIбаличи хIерикIули такбир ва тахIлиль дучIес

- гьаман тIаваф бирес

- хIяжличил барх гIумрара барес

- Байтуллагьлизи хIурматличил айцIес

- Байтуллагьлизи ацIили гIергъи даим бунагьуначи пашманиубли, тавба дирес

г) Мадинализи айцIули:

- сунези динна кьяйдурти дархьибси ва илди гIямрулизир детурхахъуси шагьарлизи пикричевли ва паргъатли ацIес

- Идбагла ﷺ мижитлизи ва илала мимбарлизи укьес, илис гIергъи гьанбикахъес секьяйда илини илар дехIибала дирутирил ва хутIба бучIусирил

- Идбагла ﷺ хIябличи гъамиубли, пикрумазиб хIясиббарес чебиркур секьяйда ил хIела дяхIличи хIерикIулил ва хIуни чейули кьяйда хIела гьала кайилил. ГIур пикрибарес илизи гIяшли гъайикIни

- гьаланачи МухIяммад Идбаглис ﷺ салам бедес, гIур Абу Бакрлис ва ГIумарлис, илала унрубас. Илдала Идбагличи ﷺ диги гьанаахъес, секьяйда илдани илала хъарбаркьуни тамандирулрил. ХIябличивад аркьухIели къакъгьабли кахIейзурли, гIелавяхIли арукьес.