Кьурбан-Байрамличил мубаракдирулрая!
АхIерти узби-рузби, Россияла бусурманти!
УркIи-уркIиларад мубаракдирулрая чебяхIси ГIид аль-АдхIа - Кьурбан-Байрамличил!
Ил халаси кьадрила бархIи нушани мягIничерти дурсри гьандиркахъулра, ЧевяхIси Аллагьли ﷻ нушаб кьурбан лугьнила гIядат хIясибли савгъатдарибти. Ил бархIи нушазивад гьарилла имкан леб ЧевяхIсилис нушала мардеш ва диги чедаахъес, илкьяйдали гъамтачи хIеруди баресра.
Кьурбан-Байрамли нушази гьанбуршули саби кьурба чебяхIдешличила ва Кьудратла ВегIла разидеш сархес багьандан лерилра имканти пайдаладирниличила. Ил бархIи нушани разидеш буртIулра нушала кумекличи хъартачил барх, тухумтачи ва юлдашуначи дашулра, ЧевяхIсини нушала кьурбунти ва гIяхIти баркьудлуми кьабулдарахъес балга-дугIя дирулра.
ЧевяхIси Аллагьли ﷻ Дурхъаси Кьуръайзиб гьанбуршули сай (мягIна): "ХIушани сеналра Кьудратла ВегIла разидеш ва таманси иман сархес хIейрудая, Илала гьунчиб хIушаб дигуси лебдешлизибад харжбарайчи. Сецад хIушани харжбарадаллира, иличила Аллагьли ﷻ балуси саби ва хIушаб чебирцIахъуси саби" (сура "Али Имран", 92 аят). Илди дугьбани хIуша гIяхIти баркьудлумачи ва кумек хIяжатти гIеббуцахъес гьуцIдарабая, хаслира иш байрамла бархIи.
Азиртадли нушала узби ва рузби лебил нушала халаси ВатIайзибад дурхъати Маккала ва Мадинала ванзурбачи арбякьи саби исламла динна мягIничебси рукну - хIяж дураберкIес. Дулгулра илдала хIяж ЧевяхIсини кьабулбарахъес, цIакь бедахъес ва гьарил гIяхIси баркьудилис шабагъат бедахъес. Илдала балга-дугIя ва кьурбунти кьабулдараб, илдала уркIби иманни ва баракатли дицIаб, илди кьабулбарибси хIяжличил чула хъалибаргуначи чарбухъаб.
Ил дурхъаси бархIи нуша илкьяйдали Аллагьличи ﷻ тиладиличил дугьадилзулра нушала улкализиб ва лебил дунъяличиб даршудеш ва балгундеш калахъес. ЧевяхIси Кьудратла ВегIла кумек ва уркIецIи лебилра бирхутачи дааб ва гьарил балагьлизибад ва децIлизибад берцудили биаб.
АхIерти узби ва рузби! ЧевяхIсилизи тиладибирулра нушала балгни, кьурбунти ва садакьа кьабулдарахъес! Амин!
Кьурбан-Байрамличил мубаракдирулрая!
