Нукъби дурцни
Нукъби дурцни
АсхIябтала ургаб гlядатли биубси секlал, цаличил ца къаршибикибхlели ва цаличибад ца аркьухlелира цала цала някъби дуцни саби.
МухIяммад Идбагли ﷺ буриб: «Хlушани цала цали някъби дуцая, иличибли хlушала ургабси гьими аркьяхъу». Гьатlира Идбагли ﷺ иб: «Тамай бедибси салам някъ буцниличибли саби, бурцуси някъра балуй саби». Гlурра иб: «Бегlлара гьалаб хъябруцикибси Ибрагьим сайри, гьалаб цалис цали сужда бирули калун, илхlели бакlиб ислам дин някъби дурцахъес».
ГIурра Идбагли ﷺ буриб: « Кlел бусурман адам цаличил ца къаршибикибхlели някъби дуцалли, Аллагьлис ﷻ чули дезара баралли, ва бунагь-хатlа урдуцнира тиладибаралли, Аллагьли ﷻ чула бунагьуни урдурцу».
Гlуррара МухIяммад Идбагли ﷺ буриб: «Кlел бусурман адам цаличил ца къаршибикибхlели ва цали итиллис салам бедибхlели, Аллагьлис ﷻ вегlлара дигусили вирар бегlлара дебали разили салам бедибси. Цала цали някъби дуцибси замана Аллагьли ﷻ илди кlиличилра даршал уркlецlи хьурадиру, илдазирад урчlемцlали саламличил вехlихьибсилис сари, калунти вецlал цархlилис».
