МугIяллимла дарс
МугIяллимла дарс
(хабар – мар)
Ца мутагIялим сунела мугIяллимличи вакIили, сунес бунагьуназивадли мяхIкамдеш барес къиянни биъниличила буриб. Ил викIар: «Дила мугIяллим, замана пасадбирули саби, хьунул адамтала иман камбикIули саби, илдира чула кьаркьала тамай кIапIхIебарили дурабухъес урузкIули ахIен. Сецад къайгъилизив виаслира, илдачи хIулби ахъхIедиубли кавлули ахIен. Нуни се барес вируса ил анцIбукьлизиб? Бархьси пикри гIеббурагу наб».
Саби дурсри дучIули милигбиубхIели бужес, чула мякьла кабихьили ниъла гажин лебри. МугIяллимли илизи хъарбариб, кабихьили кьям, ниъли хъарличи бикайчи бицIахъес. МутагIялимли сунези хъарбарибси бариб. ГIур мугIяллимли ил сунела юлдашличи бухахъес хъарбариб, иличил варх халаси тIерхьара бедили, цагьатIи сунела мутагIялим вархьиб, ниъла кIантI ванзаличи кабикахъалли, иличи бирхъяхъес хъарбарили. КIелра мутагIялим дурабухъун, ниъла вегI гьалав вашулри, тIерхьала вегI гIелавад вашулри, ниъ кIантIдикахъалли, бяхъесра хIядурлири. Ниъла кьям буцибси тIерхьала вегIлизивад урухкIули, ца кIантIалра дура кахIебикахъили ниъ дархьли гIягIниси мерла даахъиб. Дедили ниъра сабира мугIяллимличи чарбухъун.
МугIяллимли хьарбаиб: «Виубрив ниъ кIантIхIедикIахъули духес?» МутагIялимли жаваб чарбатур: «КIантIдиркахъув гьатIи, иш левригу наб гIелавад вашули, тIерхьали бяхъес хIядурли». ИлхIели мугIяллим викIар: «ХIу терхьа бирхъу или урухкIухIели, ниъла кIантIалра кахIебикахъири, Аллагьла ﷻ гIязаблизивадра урухкIен, марлира, ЧевяхIси Аллагьла ﷻ гIязаб дебали цIакьси саби, илхIели бунагьуни диресра хIейгахъид».
ХIЯДУРБАРИБСИ - НАИДА ГЪУРУЕВА
