Къярх (черника)

Июнь баз къярх сабиуси манзил саби. Ил цIяба хьанцIа цIедеш дебали пайдаласи саби. Илизир А, В, С кьукьяла витаминти лер. К витаминни хIи гIягIниси тяхIярли дутахъули, хIила бертаби хIедирахъу. Илизибси пантотеновая кислотали кьаркьа бузни жигарчеббирахъу, неомиртиллинни хIилизиб чакар камбирахъу, кремнийли коллаген алкIахъу лига-кьякьялис ва камлис дебали пайдаласи. Марганец биалли, лигуби алкIахънилизиб чараагарси саби, железо хIила кабизлис, хаслира хIи камхIели.

Ил хIулбасра имцIали пайдаласи саби, цIедешлизирти микроэлементуни сабабли. Къярхли хIулбала сетчатка мяхIкамбиру, катаракта ва глаукома хIебиахъес кумекбиру лютеинни ва зеаксантинни. Чакарла изала лебтала чакар камбиру. Кьаркьа чехIейсудеш хIебиалли, ил лебилра адамтас пайдаласи саби. Илини биштIатала нервабала цахIнабик чIумабиахъес кумекбиру, иммунитет ахъбурцу, хIулбала сетчатка билкьахъу.

Къярхлизирад чяй, компот, сок, мурабба дарес вирар. БегIлара пайдаласи зярхIси цIедеш саби, амма дерахъубли ва миъдяргIяхъили пайдаладаресра вирар. Урцецуназир яра гьимила пушягIлизир къаркъуби лертас ил цIедеш мяхIкамдешличил пайдалабирес чебиркур.

Илала кIапIрира зярхIли ва дерахъубли пайдаладарес вирар, цIедешлизиртигъунти витаминти лерни багьандан.