Авараагардешли гIямрула ги къябудахъу
ГIямру – нушаб Кьудратла ВегIли пешкешбарибси, багьаличил асес хIейруси, дурхъаси савгъат сари. Гьарил гьигь, ганз, пишбяхъни – илди лерилра Илала уркIецIила лишанти сари. Амма пикридулхъулрара иш дунъяличил нуша дархдалсахъуси ги сецадла гъярцIсил?
Дахъалгъунти анцIбукьуназир нушани гIямруличи чедихIяртдеш дакIудирулра, гьарил секIайчила кункли пикридикIулра, гьатIиралра вайси: цархIилла гIямрулисра урехи бетаахъесли вяшдикIулра.
Гьуни дебали урехиласи мер саби. Автомобильла рульличи кадиили нушани нушала кьисматцунра ахIи, цархIилти адамтала кьисматунира някъбазир дихIулра: хьурали аркьутала, цархIилти машинаби дикутала, пассажиртала. Ца балкIси баркьудили, авараагардешла ца секундли, гьундурачибад бет-садбашнила тяхIяр-кьяйда дуънила ца нукьсандешли – ил дебали усалси ги къяббердахъес асубирар.
Гьундурачибад башнила тяхIяр-кьяйда дузахъни – илди кадизахъурти тяхIуртицунра ахIенну, Кьудратла ВегIли пешкешбарибси савгъатла, гIямрула хIурматбарнира саби. Илкьяйдали Илала ва цали цала гьалар дихути жавабкардешра сари. ХIунтIена рангла шалаличиб машина тIашаъни, гьуни барили, адам ветахъвикахъни, къалабадешла кьяйдурти дузахъни – ил урехи хIебирахънилизи кабирхьуси пай саби, ил гIямру дерцахъни саби. Ил багьандан хъярхъдеш имцIабарес яра урехиласи уюн дураберкIес гьалар жагали гьанбиркахъеная, хIушала гъамти, хъалибарг ва дурхIни пикрибиреная. Чумал минутла замана калахъес ибси мурадличил илдала талихI булъниличила хъуммартидая.
Кьудратла ВегIли нушала лерилра баркьудлуми чедиути сари. Чедиути сари севан нушани жавабкардеш дихулралра. ХIебиалли, даширая къайгъибирехIе нушала ва цархIилтала гIямру мяхIкамдарес, гьундурачир дашнила тяхIяр-кьяйда чекадизурли дузахъес.
