“Ас-салам” газеталис – 25 дус
“Ас-салам” газеталис – 25 дус
УркIи-уркIилабад мубаракбарес дигулра лебилра редакция "Ас-салам" газета 30 дус биънила юбилейличил. Илкьяйдали дарган мезличил дурабулхъуси "Ас-салам" 25 дус биъниличил газетала редакция ва лебилра хIянчизартира мубаракбирулра!
Дарган мезличил дурабулхъуси газетала редактор Наида Гъуруева илгъуна байрамличил мубаракрирули, баркалла балахъулра вецIал дусцадхIи даргала халкьлис багаласи бузери дурабуркIнилис.
Ил газетализиб бузути адамти чула бузери камли чебиути адамти саби. Амма илдани дебали мягIничебси хIянчи бирули саби. Ил гIядатла хIянчи ахIен, ил дебали ахъси даражала хIянчи саби. Илаб бузути дебали талихIчебти адамти саби, сенкIун хIушала гIяхIдешличибли бархьси гьунчи кабилзути, динничи гъамбирути, Аллагьла ﷻ дин иргъути ва руркъути адамти бахъал саби. Илгъуна бузери сабри идбагуналара Аллагьла Расуллара ﷺ, ил багьандан ил дебали лайикьси хIянчи саби.
Аллагьли ﷻ гIуррара гIяхIцад дусмазиб хIуша нушала республикалис багалати исламла динна багьудлуми ва гIядатла рухIлашалти дурхъадешуни тIинтIдирули дузахъес кьадарбараб. Амин!
Дагъиста Муфтиятла Председатель ГIябдуллагьхIяжи Салимов
ЧевяхIси Аллагьли ﷻ нуша исламла дин багьахъес, бучIахъес жидирулра. Нушала Дурхъаси Идбагра ﷺ цархIилти лебилра идбагунира нушази жибикIутири Аллагьла ﷻ дин балахъес. СенкIун Аллагьла ﷻ дин хIебалусини Илис гIибадат барес хIейрар.
ИшбархIи нушаб ил шайчиб халаси кумек гIеббиахъули саби "Ас-салам" газетали. ГьанбиркахъехIе, нушала Идбагли ﷺ лебилра вегIбекIуначи, Византияла ва цархIилтира пачначи, чулира халкьла челябкьлаличи асарбарес бирути адамтачи кагъурти дурхьутири Аллагьла ﷻ гьунчи кабизахъес жиличил. Тяп илгъуна жавабкардеш дихуси хIянчи дурабуркIули саби "Ас-салам" газетали ва илизиб бузутани гьарил юртлизи, гьарил организациялизи Аллагьла ﷻ ва Илала Расулла ﷺ дугьби адамтачи диахъули. Нушани биалли ил газета тIинтIбирантани бируси хIянчи саби Идбагла ﷺ хIядис хIясибли, сунезибра бурибси: "Набчибад ишаб агарти бусурмантачи ца хIядис, яра ца аят биалра баахъая". ХIера ил жиличи мешули ишбархIи "Ас-салам" газетали илгъуна бузери дурабуркIули саби.
Нуни, илгъуна байрамличил мубаракбирули, дила шайзибад чIумаси арадеш булгулра нушала газетала редакциялизиб бузути журналистунас ва ил тIинтIбирути хIянчизартас, илдачи Аллагь ﷻ разили калаб. ГIуррара бегIла камли даршал дус батаб Аллагьли ﷻ бусурмантас баракат бихуси газета. Амин!
