Имам Абу ХIамид аль-Гъазали

Имамла адабуни

- Имамли виэс вируси сай дехIиба фарзуни ва суннатуни гIяхIил далуси адам

- ДехIибала дулънила тяхIяр-кьяйда далес

- Имамли виубли хIейгути адамтас имамли хIейэс

- Сунес гIелавад гIилму далуси адам кайзахъес

- ДехIибала дехIдихьес гьалаб някъли лишан барили цалабикибтази къяяни дурусдарахъес тиладибарес

- Духъянти сураби хIедучIес, сенкIун ил цалабикибтас анцIбукьес асубирар

- ТасбихIуни дучIни гIеркъахIебилтIахъес

- Амма илдала даража камбиэсли дехIибала илцадра лергIер къантIдарес асухIебирар

- ДехIибала дирухIели мижитлизиб гьунар агарти адамтанира дехIибала дирни пикрибирес (илхIели гьамадси жураличил дехIибала диру)

- РукугIличиб ва суждаличиб тасбихI багьлали бучIес, цалабикибтани тадиль аркан чебетаахъили барахъес

- Сура «аль – ФатихIя» белчIес гьалаб ва илис гIергъи, илкьяйдали чеимцIаси сура бучIухIели камси заманалис лехIкахъес

- ДехIибайчи цахIнаикес къалабаикIуси чи-виалра хIисабвиалли, рукугIлизив багьлабарес асубирар, гьайгьай, ил цалабикибтас къиянхIебухъесли

- ДехIибала кьандирнила урехи хIебиалли, камси багьалабарес чебиркур унруби дехIибайчи балкьаахъес

- Цаибил ва кIиибил «саламла» ургаб камси багьлабарес гIягIнибиркур илди цализирад ца декIардарес багьандан

ДехIибайс гIергъи Аллагьла ﷻ лигIматуначила пикриухъес ва Илис шукру барес

- Гьарил хIяйчив Аллагь ﷻ гьануршес

ДехIиба адабуни

- Халадеш агарли вяшикIес

- Аллагьла ﷻ гьалав халаси хIурматличил тIашизес

- Аллагьла ﷻ гьалаб вегIла пайдаагардеш ва гьунарагардеш чебаахъес

- ДехIибайчи уркIи гьаргбарили кайзес

- Васвасъала урасес

- ДехIибайчив шалубази шурхIелхъес, някъбани гьакIхIейкIес

- БекI гьала гIяшбарес, балуй някъ алгъай някъла чеди кабихьес

- Къуръан бучIухIели пикриикIес

- Такбир хIурматличил бучIес

- РукугI ва сужда Аллагьла ﷻ гьалаб халаси хIурматличил икрамбирули бирес

- Аллагь ﷻ чевяхIвирули тасбихI бучIес

- Ташагьгьуд Аллагь ﷻ чейухIели кьяйда бучIес

- Саламти уркIи руржуси хIяйчил дедлугес

- ДехIибала Аллагьлис ﷻ гIяхIбизесли хIедетаънила урехила хIяйчил мижитлизивад дуравхъес

- Аллагьла ﷻ разидеш сархес багьандан дехIибайчи къалабаикIес.

2026-08-01 (Сафар 1448 д.) №8.

УчIанничи кагъар Урши, насихIят бурес гьамадси саби, амма ил кьабулбарес къиянбулхъан, сенахIенну ил кьутIкьусин кабилзан сунела хьуланас гьуни бедлугусилис, уркIилис къадагъаласи дигухIели. Хаслира багьуди касили хьалли нафслис гIелавад вашуси ва дунъялизи вархибси. Илала пикри хIясибли,...

Чумал дус гьалаб нуни хIижабла мягIна гьаргбарира, ва ЧевяхIсила уркIецIиличибли гьанна разидешличил ил бихулра. Иш белкIлизиб нуни бусурман хьунул адамтани хIижаб бихнила сабабтачила бурис. Рирхулра ишди баянтани цархIилти рузбира илгъуна баркьуди дураберкIахъес уркIичеббиру. Се саби...

Нушала улкали гIергъити дусмазир хъалибарг мяхIкамбарес ва гIеббуцес багьандан дурадуркIути сагадешуни дебали дигести сари. Бахъал дурхIначилти халибаргунас дедлугути арц, пособиеби, нешдешла капитал ва цархIилтира кункдешуни лер. ГIергъиси манзил нушала улкализир 31 хIукму кьабулдарили сари...

Гьалавван наб ца тяниш къаршиикиб. «Нуни дила дурхIнази телефон батахъес вирули ахIенра. Мурталра илизив хахамвикIули сай. Кебасасли, вяв-чIярлизи ихъули сай, ва вяхIес булан валилзули сай. Балули ахIенра се барес хIяжатлил», – викIи ил. Марлира, гIергъити дусмазиб...

Нушани гьалабра нушала белкIаназиб жIявхIелла мижитуначила бурибсири. Иш яргализиб гьанбушес дигулра ГIяли ибн Абу ТIалибла мижитличила. Илала сурат кабяхъили саби гьижрала 1271 ибил дуслизиб дураибси Афганиста 1000 афгани къурушлизиб. Илизиб нушани чебиулра халаси мижит, берхIила нуранани...

Имам Абу ХIамид аль-Гъазали