Имам Абу ХIамид аль-Гъазали
Адамтачил секьяйда вирес гIягIнисил
- Чина-биалра ацIибхIели, яра адамтала кьукьяличи къаршиикибхIели гьаланчи салам бедес гIягIниси саби ва балбикибси мерличи кайэс.
- Адамти-ургавад вашули илдас диргалаукIес асухIебирар.
- Балбикибси мер баргили, мякьлабти адамтас салам бедес.
- БалхIебалути адамти-ургав къаршиикалли, гIягIниагарти ихтилатуназивад мяхIкамли уэс ва илдазиб бутIакьяндеш хIедирес. БалхIебалутани хIейгести дугьби пайдаладирули биалли, селра хIебакьибсила дирес.
- Илдигъунти адамтачил къаршихIеркес къайгъибарес чебиркур, дебали чараагарти тяхIяр-кьяйдализиб ахIенси.
- Адамтачи уктемдешличил хIерхIейкIес, цараван биалли бебкIа хIерли саби, сенкIун илди адамти нушачибра гIяхIтили ва динничи чекабизуртили биэс асубирар.
- Давлачебти адамти-ургав вирухIели, илдачи хIяйрандешличил хIерхIейкIес, сенкIун лебил дунъя ва илизирти гьар секIал ЧевяхIси Аллагьла ﷻ гьалар селра ахIен ва камси кьадрила сари.
- Иш дунъяла гIяхIдешуначи халаси пикри бяхIчихIейэс, сенкIун или биалли, ва иш дунъяличиб давла лебсила имцIаси хIурмат биралли, Аллагьла ﷻ гьалаб сунела кьиматчебдеш камбирар.
- Давлачебтала даража пайдалабарес багьандан дин пайдалахIебирес. Эгер ил шайчиб дин пайдалабиралли, хIурмат беткайхъур.
- Илкьяйдали гьими-кьясличил вирес асухIебирар давлачебти адамтачи. Цараван биалли, илданира душмандеш дурцу ва илдас къаршидеш багьахъес багьандан я цIакь, я имканти хIедаэсра асубирар.
- Амма Аллагь ﷻ багьанданси къаршидеш биалли – декIарси тяхIяр саби. Адамтала вайти баркьудлуми хIейгахъес чебси саби.
- Адамтачи гIяхIдешличил ва уркIецIиличил хIерикIес.
- Давлачебти адамтачи гьаман вашес асухIебирар илдани чула дигиличила бурни, дяхIла хIербикIули пишбирхъни, гапбикIни ва хурегли валхни багьандан. Духуси адам илгъуна секIайчибли илдачи витIхIейкIу, сенкIун уркIи-гьаргси бархбас илдала рахлицун бирар.
- Эгер адамли давлачебти адамти-ургаб паргъатдеш кайсалли, Аллагьли ﷻ ил илдачи хъариркахъу, ва вирхуси адамлис ил бебкIали бирар.
- Давлачебти сай агархIелира сай левхIели кьяйда бирниличи вирхес асухIебирар, сенкIун или биэс хIебирар.
- Адамлис гъаргъдешличил ва иштяхIличил давлачебтала мас-мулкличи хIерикIес асухIебирар, сенкIун цараван биалли, илини сай увяхIвиру ва сунела вирхни беткайхъу.
- Давлачебти адамтачил уктемли ва пахруличил вирес асухIебирар.
- Эгер давлачебтазивад цали тиладиличил дугьабизурхIели, кьабуликили кумекбаралли, ил пайдаласи адам сай. Амма илкьяйдали кумекбарес кьабулхIебикибтачира гIяйиббарес асухIебирар, сенкIун гIяйиббарнили илдала гьими-кьяс акIахъес асубирар.
