ГъярцIа къабакъличилси хурег
ГъярцIа къабакъличилси хурег
ГъярцIа къабакъунала жура саби кабачок. Илизирад бизити котлетунала рецепт хIушаб гьалабирхьулра.
ГIягIнидиркур:
Кабачок – 2;
картошка – 2 ;
набадари – 1;
гидгари – 2;
шиниша жерши – 2;
декь – 2 халати кьулса;
зе, исиут – бизидеш хIясибли, котлетуни дерцIес гIявадеш.
Балкьарахъни:
Овощуни умударили, дишхъяя. Кабачок халати тярхъубар теркализибад дураили камти зе дархаая. Илини шин дураибхIели, гIянчIакIая. Набадари ва картошка ургабси теркализибад дураая, жерши бибгIянбарая. ГIур картошкара гIянчIакIая ва лерилра дархаая. Ила гидгури имцIадарили, зе, исиут, ва декь какьурли гIяхIил гъудурдарая. ДемхIурти някъ-бани котлетунала жура бакIахъили, буцIарбарибси гIявадеш лебси табализир кIелра шайчирад 5 минут дуцIахъули, дерцIая. Садаибти котлетуни буртличил деркес вирар.
