ДугIя – гIибадат саби
ХIядислизиб бурили саби, тавбала бекIли дирути сари лагъли уркIи-уркIиларад дурибти ишди гIергъити дугьби:
«Аллагьумма анта рабби, ля илягьа илля анта, халякьтани ва ана гIабдука, ва ана гIаля гIагьдика ва вагIдика мастатIагIту, агIузу бика мин шарри ма санагIту, абуу ляка бинигIматика гIаляййа ва абуу бизанби, фагъфир ли фаиннагьу ля ягъфиру ззунуба илля анта».
МягIна: «Я Аллагь ﷻ, ХIу дила Аллагь ﷻ сайри ва ХIу ахIенси гIибадат барес лайикьси чилра агара. ХIуни ну акIахъубсира, ну ХIела лагъ сайра ва нуни ХIед мардеш дихIисра дила цакь абаайчи. Нуни ХIезибад берцуди тиладибирулра нуни дарибти вайдешуназибад ва ХIуни наб гибти ХIела гIяхIдешуни мардирулра. Илкьяйдали нуни дила бунагьуни далулра ва илди датурли ХIечи дугьаилзулра, чевверхи набчивад, марлира, ХIу ахIенси чилра бунагьуначивад чевхIерхар!»
Эгер адамли ишди тавбала дугьби уркIи-уркIиларад дурили ил бархIи вебкIалли, яра бархIехъ дурили дугели вебкIалли, ил Алжанализи айцIур.
ХIядислизиб бурили саби: «УркIи-уркIиларад ишди удир кибти дугьбира дурили чили тавба дараллира, ЧевяхIси илала бунагьуначивад чеввурхар, хIятта илала бунагь гъазаватлизивад вебшнилизиб биаллира:
«Астагъфиру-ллагьа ллязи ля илягьа илля гьуваль хIаййаль кьаййума ва атубу иляйгьи».
МягIна: «Нуни Аллагьлизи ﷻ тиладибирулра, сунечибра чилра ва селра гIибадатбарес лайикьси агарси, даим МицIирси, селизибадра хIяжатдеш агарси, Иличи ну тавбаличил дугьаилзулра».
Гьачам ца адам Аллагьла Расулличи ﷺ вакIиб сунела дахъал бунагьуначила бурули. Идбагли ﷺ ил бурсивариб 3 -йна ишди дугьби дурахъес:
«Аллагьумма магъфиратука авсагIу мин зунуби, ва рахIматука арджа гIинди мин гIамали».
МягIна: «Я дила Аллагь ﷻ, ХIела чевверхни дила бунагьуначибра халаси саби, ва ХIела уркIецIиличи ну имцIали вирхулра дила баркьудлумачиван ахIи». Ит адамли 3-йна илди дугьби тикрардариб, ва илхIели Идбагли ﷺ буриб: «Айзи, хIела бунагьуначивад чевверхурлину».
Тавба
Тавбала шуртIри:
1.ГIелайзи архIебухили бунагьуни датни, рахли илди бусягIят дирули лералли диалли, ва гьалар дарибти бунагьуначивад пашманвиъни.
2.ЧIумаси кьас ва нигет барес ЧевяхIси Аллагь ﷻ багьандан илдачи чархIелхъес.
3.Гьаларла уркалунти дехIибала, дуббуцари, закат черахъес багьандан нигет биъни.
Эгер ил бунагь цархIилти адамтала ихтиюрти дуъниличил бархбаси биалли, гIуррара шуртIри чараагарти сари:
4.Зарал чебахъни арцличил ва цархIил жураличил.
- Бугьтан, гъибат яра зулму барили калунти, гьимбукIахъибти адамтала разидеш сархни, чебберхахъес тиладибарили.
Аллагьли ﷻ тавбаличи лебилра чебаргъахъили, гьуцIбараб. Амин!
