Балга-дугIя

Гьар бархIи бучIес гIяхIси

Гьар бархIи 70 –йна «Астагъфируллагь» бучIути адамтала ЧевяхIсини 700 – цад бунагь урису ибси гIялимтала пикри лебси саби. Ил усес кайхьунхIели бучIес гIяхIси саби.

Исакь Идбагла дугIя – тасбихI

СубхIяна – л – фарзи – л – витри.

СубхIяна – л – гIазыми – л – агIзами.

СубхIяна – Ллагьи тагIяла.

МягIна: «Ца Аллагь ﷻ сай, Цацун, лерилра нукьсандешуназивад умуси. Умуси Аллагь ﷻ ЧевяхIси ва дебали ЦIакьси. Умуси ЧевяхIси Аллагь ﷻ».

Юсуф Идбагла дугIя – тасбихI

СубхIяна ман гьува рахIимулла йагIжил.

СубхIяна ман гьува ракьыбул-ла йагъфул.

СубхIяна ман гьува жавадун кариймул – ла йабхIал.

СубхIяна ман гьува гъаниййул – ла йафтакьыр.

МягIна: «Аллагь ﷻ Умуси ва УркIецIичевси сай, Ил сегъуналра жагъал ва нукьсандешуниагарси сай. Умуси Аллагь ﷻ гьар секIал Далуси сай, ва Ил хIедалули кахIелан. ГIяхIси ва УркIецIичевси сай Умуси Аллагь ﷻ, ИлкIун Сахаватси сай. ХъархIерагарси ва Давлачевси сай Умуси Аллагь ﷻ, марлира Ил чичилра хIяжатиркуси ахIен».

ИсмягIил Идбагла дугIя – тасбихI

СубхIяна манн гьува мутталигIу бигIилми жаваригьи – л – кьулуб.

СубхIяна мал – ла йахIфа гIялайгьи хафийатун фи – с – самавати ва – л – гIарз. СубхIяна – р – рагIуфу – р – рахIим.

МягIна: «Умуси сай Аллагь ﷻ Суненира лебилра адамтала уркIбазирти далуси. Умуси сай Аллагь ﷻ, Суненира ванзаличирти ва закличирти гьар секIайчила балуси. Умуси сай Аллагь ﷻ, РяхIятси ва УркIецIичевси».