Дурхъати дугьби

Бусурман узис бируси балга

ХIядислизиб бурили саби: «ВалхIелуси бусурман узис бируси балга ЧевяхIси Аллагьли ﷻ кьабулбируси саби. Илала бекIла мякьлав вархьибси малаик вируси сай, гьар илини балга бирухIели «Аминь» викIуси ва илисра тяп илгъуна тиладибируси. Мисаллис, балгализиб сунела динна узи ва лебилра бусурманти гьанбушили бурес вирар:

«Аллагьумма-гъфир уммата МухIаммадин рахIматан гIамматан». МягIна: «Я дила Аллагь ﷻ, чевверхи лебилра МухIяммад Идбагла ﷺ умматла бунагьуначивад лебталалра уркIецIи сабабли».

Чебла лебхIели бучIуси дугIя:

«Аллагьу ма кфини бихIалялика гIан хIарамика ва агънини би фазлика гIамман сивака».

«Я Аллагьﷻ, ХIуни хIялалбарибси (асубарибси) сабабли верцахъаба ХIуни къадагъабарибсилизивад (хIярамбарибсилизивад), ризкьи имцIабара, ва ХIела уркIецIиличибли, ХIечи ахIенси цархIилличи хъармайраба».

Ца адам гъамиубли Идбаглизи ﷺ хьарбаиб:

«Секьяйда тиладиикIиша ну дила Аллагьлизи ﷻ?»

Идбагли ﷺ жаваб чарбариб: «Бура:

«Аллагьуммагъфирли вархIамни ва гIафини варзукьни».

МягIна: «Я Аллагь ﷻ, дила бунагьуначивад чевверхи, уркIецIи бара, хIялалси ризкьи ва баракат кьадарбара».

Аллагьла Расулли ﷺ гьаман иш бучIусири

«Аллагьумма лака асламту ва бика аманту ва гIалайку тавакальту ва илайка анабту ва бика хасамту. Аллагьумма инни агIузу бигIиззатика лаилагьа илла Ллагьу анта ан тузиллани, антал хIаййу ллази ла ямуту вал джинну вал инсу ямутуна».

МягIна: «Я Аллагь ﷻ, ХIу багьандан саби нуни ислам дин кьабулбарибси, ХIечи сайра вирхуси, ХIечи сайра хъарихъуси, ХIези сайра тиладиикIуси чевверхахъес ва ХIела уркIецIиличивли сайра душмантачи къаршили калзуси. Я Аллагь ﷻ, ХIу ахIенси цархIил агара сужда барес лайикьси, ва ХIела чебяхIдешличибли тиладибирулра ну чевулкIнилизивад мяхIкамварахъес. ХIу – мурталра мицIирсири, жиндри ва адамти биалли, лерилра дубкIути сари».