бекlлибиубси бяхlличи чарухъес

Нушала бучIантала назмурти

Нушала бучIантала назмурти

 

Хадижат ГIямарова,

Дибгаши Дахадаевла район

 

 

Ну дарган дубурланра

Ну дарган дубурланра,

Дубуртазир акIубси,

Дубурландеш, даргандеш

Жинсличирад даибси.

 

Ламус-хатир, яхI-сабур,

ХIехархIелил дагьурси,

ГIядатласидеш, гIяхIбаркь

Къалип кьяйда картIибси.

 

Багьудлумачи гьуцIли

Шагьарлан ретаурси,

Нешлис кьадин гIилмула

Ахъанай ахъес кьасси.

 

Дубуртас икрамрикIус,

Асилдеш, адамдешлис,

ГIилмуртала къалалис –

Ахъли ну ахъруцнилис.

 

БекIличиб кIана бихис,

Дубурландеш калахъи,

Адабла регI акIнилис

Лусенцад пахруличил.

 

 

Арякьун гIязиз узи

Мекъла хъулив сяхIбатчи,

Гумайлав ихтилатчи,

Къиян дикиб мерличив

ХIуребала байрахъчи,

БиштIаси шила хъарихъ,

Зилантас марси уртахъ,

ГIянручI ахIи кахIелхьул,

Шала тIякьличил алзул,

БукIун дудешла гIилму

ГIяхIулали дяркъурил,

Хала бегIтала амру

АкIубхIейчибад бихул,

МицIир-жайс къугъал къуллукъ

Муэртазибра бирул,

Кулпет гьанни велкунси,

ХIянчи гьанни вацIибси,

Арякьун гIязиз узи

Даимлис тарихлизи.

 

 

 

ГIямрула дяхIимцIайзир

ГIямрула дяхIимцIайзир

Хъярхъли шалгIердухъунти

БурхIнала сурат кайсис –

Разити ва пашманти.

 

Кьисматличи гIярзрикIес

ХIебургулра багьана,

Детерхахъур мурад-кьас

ХъяшахIелла хьулана.

 

Муирала мурбикад

Тахь-тахьли ратрихьили,

Кьяшла кьакьаси дякькад

Делкун дабри, рашули.

 

ГIилмула къалализир

Касибти багьудлума

Чуйнара наб чарбариб

Дурдиб дабрила багьа.

 

Дарган девла гIевдухьлар

БекI ва уркIи дамсайчи,

ГIяхIулали, тяп лагъван,

Рузира хIянриайчи.

 

Аллагьла кьадарличи

РикIули даршна шукру,

ДуркIис гIямру, яхIличил

Ихъули гьарил ганзухъ.

 

 

 

ХIерлира

Кьяцаланг урчиличив

ГIяндан варгьи чехъили,

Хунжазир гьунгелтачил

БукIун дудеш хIякьянал.

 

Гумайлав ихтилатчи,

СяхIбатличив тIашкьяна,

Дурзамличил, хIенкьличил

Хала узи хIякьянал.

 

БиштIали уббатурти

ДурхIнала гIур мукърачи

ХIякьянал, кахIейрарал

Даргла узи виштIаси.

 

Къабачала дулгъалар

Чакурти дихул рухъна

Бурес сихIрула хабар

Гъурша бархIехъ хIякьянал.

 

ХIерлира хъубзурани

Хъуми гьели дегIайчи,

ЛавшардикIути арши

Ургубалар дикьайчи.

 

Кариилра ну хIерли,

ХIебла шала дикайчи,

Дубуртази сагали

Шадти гIямру дакIайчи.

 

 

Шилизир

 Салам, дила Дибгаши,

Ну акIуб дурхъал ватIан,

ГIямрула бягIул гьунчи

Гьуни абхьибси майдан.

 

Хашкелди, Мурбала бяхI,

Чебиуси хъатлабван,

МицIираг кьарли далхан,

Шанти цIедешли балхан.

 

ХIед саламти, БяхIяхъай,

БяхIяхъличи мешуси,

Галгуби хъярба дерхъаб

Гьар дусла гIебшнилизир.

 

Набайличи кьулала

ХIенкь каиб хIенкьулани,

Къябаличи гIяйкаиб

БукIуй мазала дурзам.

 

Кьарли, урцуй, цIедешли

БицIили саб алавла,

Жагати ва гьарзати

Сар юртани шантала.

 

ИшхIелла дарсдешуни

Чедиулра хъулразир,

Амма дагла шан дурхIни

ДуцIли саб шагьарлизи.

 

 

 

ХIерирулра лехIкахъес

ХIерирулра лехIкахъес

Дунъя гъузгъалдихIели,

ГIялам халкь зигарбарес

Дургъби дехIдихьибхIели.

 

ХIерирулра хIерисес

Бисути бахъалхIели,

УрузкIулра дукаркIес

Дергъ гIеркъабитIунхIели.

 

Гьамадли ахIен русес

Нешлис уркIецIичерси,

Гьарил кахси хабарли

УркIи уркIиухIели.

 

ХIерирус ну лехIкахъес

Нешана никIа дурхIнас

ГIязиз дудеш чеахъес

Сурат кайсалли хIерэс.

 

ХIерирус руэс лехIли,

Багьахъниби иргъули,

Даим зянкъличи лехIли,

Нешани тIакIлихIели.

 

БукIар рухънала хъалчван,

Дай уркIи дукIарили,

ХIябц гIянжила хандакьлаб

Бургъанти гуш-гьаргхIели.

 

Ца Аллагь, кьабулдара

Балга-дугIя гьарилла,

Кадерхахъа дургъбира

ЦIакьличил ГIярасайла.

2026-02-01 (ШягIбан 1447 д.) №2.


Капусталичилси салат

ГIягIнидиркур: Капуста – 400 гр; Хияр – 2; помидор черри – 5; гIяргIяла диъ – 200 гр; шиниша хъарала тIакьа – 1; зе, исиут, кьар, майонез – бизидеш хIясибли. Балкьарахъни: Капуста бурсая ва зе какьурли кIантIибиахъес някъбани гъяжбарая. Гьалахили белхьи,...


МухIяммад Идбагла ﷺ баракатла хьунри

Жувайрият МухIяммад Идбагла ﷺ хьунул Жувайрият Бану Мусталакь кьамла бекI Харисла рурси сарри. Ил бану Мусталакь кьамличилси дергълис гIергъи ясирбуцибти-ургар лерсири. Илис Барра бикIусири. Ил сунела кьамлизивадси узикьар Мусафия бин Сафванна хьунул сарри, сайра ил дергълизив алхунси. Ил...


ТаравихIла дехIибала

ТаравихIла дехIибала дехIдирхьути сари дуббуцарла Рамазан базла цаибил бархIилис гьалабси дуги, тамандиру Хала БархIилис гьалабси дуги (Хала Дугилизир хIедиру ).   ТаравихIуни мижитлизир жамигIятличил дарни къулайси ва дебали дурхъаси саби, амма имкан агара биалли, хъулир даресра асубирар....


Редакциялизи суал

- Нушани 90-ли ибти дусмазир сарри дехIдихьибти дазала-дехIибала дирули ва нушала дахъал чеблуми учидикили сари дуббуцарира дархли. Кьабулбарибси хIяжли илди хIедарибти дехIибала ва уркалунти дуббуцарла бунагьуни ицутив? - Чараагарли уркIи-уркIилавад тавба дарес чебиркур калунти дехIибала ва...


Низигъарила чяй

Дерубти яра зярхIти низигъарила 1 халаси кьулса; Шин – 500-700 мл; Варъа – 3 чяйла кьулса; Лимон – 3 кесек. Ружери бакIахъибти шин низигъариличи кертIили, чяй 10 минутцадхIи кIапIдарили датирая. КертIили гIергъи ванати чяйлизи, бизидеш хIясибли, варъа ва лимон бархаая....