Дунъяла челябкьла – илала децI...
Дунъяла челябкьла – илала децI...
ХIечила дев белкIес някъ руржули саб,
Нургъбани ихтияр сайсули ахIен,
"Ла илагьа иллаЛлагь МухIяммад РасулуЛлагь –
Илис агарси саби бекIлил васвасдеш.
ГIярш-Курсла хужаим ЧевяхI Аллагьли ﷻ
ЧеввикIиригу хIу, гIяламлизивад,
ЧевяхIсила хъарбаркь таманбирули,
Барири хIуни хIяракат гIяхIцад.
Бархилри хIела гIярабла улка:
ХIярамдеш, хъулкидеш, цархIилти цIахдеш,
Улкала унруби хъям-кьацIлизибри,
Чекасес гIягIнилри лебил къияндеш.
ГьанкIагар дугурби чумра ихъулри,
Хира ва Сафакад хIу цайли вашулри,
ХIу чузивад сайти кьурайшитуни
ХIечи душмайчиван хIеркабикIулри.
Аллагь ﷻ хIечил сайни хIед мягIлумлири,
Къиянти дяхIяэс къайгъилизиври,
Шаласи дунъялис лагъдеш дирутас
ХIу насихIятуначил гьалаилзулри.
Турличи ахъесра хIед кьадарбиуб,
Чумилра Аллагьла душман къирбиуб,
Бяхъибти-бебкIибти хIелара биуб,
Чула рухI Алжайзи хьуракадиуб.
Исламла гьунчибад гIялам батбихьиб,
"Ашгьаду ала илагьа иллаЛлагь – иб,
ва ашгьаду анна МухIяммадан РасуллуЛлагь" –
УркIилизи дуциб бусурман халкьли.
ГIярабла халифат халакабаиб,
Идбагла ﷺ гIибрат, ва Кьуръа аят
Дунъяла гьарилра гIямзила даиб
Макка Кьибла бариб бусурман вилаят.
Азирти дусми ардякьи сари,
Дурхъаси ислам даим жагьли саби,
Челябкьла сеннира ил гIебли саби,
"Шукру Аллагьличи ﷻ..." – ил балга саби.
