Салаватунала пача

Салаватунала пача

Нушала заманализиб сунезибад бунагь кахIебиркуси чилра агара, бунагьлизивадли верцесра дебали къиянси секIал саби. Адамтачи бунагьунира кадухъунти забван сари. Ил багьандан тавбара имцIабирес хIяжатси саби. ГIялимтани буруливан Идбагличи ﷺ буршуси салаватливан бунагьуни селилра умухIедиру. Лерилра салаватунала пача саби «Салаватуль фатихIя».

«Аллагьумма салли гIяла сайидина МухIяммадиниль фатихIи лима угъликьа, валь хатими лима сабакь, насириль хIякьи биль хIякьи, валь гьади ила сиратIикаль мустакьим, ва гIяла алигьи хIякьа кьадригьи ва микьдаригьиль гIязим».

(Я Аллагь, ХIуни салават вара нушала сайид МухIяммад ﷺ, лерил гIекIибти гьаргдируси, лерил гьарти кадурхахъуси, марсилис марсили кумекбируси, бархьси гьуйчи бархьиуси. Сунела агьлура салават бара, сунела дурхъадешличи лайикьси тяхIярли).

Жузазиб буруливан, марлира их салават гIямрулизиб гьачамалра белчIунсиличи Жагьаннабла цIа къячхIебилкан. Их салават дахъал салаватуначи абиркур ибти пикрумира лер.

«Джавагьируль магIян» бикIуси жузлизиб бурули саби: «ХIуни багьи, марлира адамли дучIути лерил зикрубира, лерил дуршути салаватунира, ихдачивли, гьар бархIилизир зикру, салават дучIули даимвиаллира ца «Салаватуль фатихIяла» ужраличи ахIедиркур.

Их салаватли Аллагьла ﷺ уркIецIила хьарахъуд агни иргъахъули саби. Нушанира илцад гьамадли, илцад халаси кири барес дирули лералли пайда касес къайгъилизи диркехIе.