Вирхусила Аллагьла ﷻ гьаларти адабуни
- Мурталра бекI къухIли виэс
- Пикруми цаладяхъес
- ЛехIкахъес яра камли гъайикIес
- ИмцIати вяшатIала хIедирули, паргъасили виэс
- Хъарбаркьуни тамандирес
- Къадагълумазивад гьарахъиркес
- Дебали къаршили гъайхIейкIес
- Адаб-хIяяличил вирес
- Мурталра Аллагь ﷻ гьаниркахъес, зикру бирес
- Вайти пикрумазибад уркIи умубарес
- Кьаркьа биркIанти мяхIкамдирес
- РяхIятcили вирес
- Кьудратла ВегI ЧевяхIвирес
- ГьимхIеркIес
- Дигуси секIал дигIянбирес
- Мурталра бархьдешгIевсили вирес
- Адамтачи игьдибар хIебирхьес
- Бархьдеш бирес
- Аллагьличи ﷻ гъамвиахъести баркьудлуми дирес
- Къадагъабарибси бирули чебиухIели, гIясиирес
- ГьакIикIули, някъбани лишанти камли дирес
- Мурталра пикричевсили вирес
- УрузкIусили вирес
- Урехила ва умутла ургайчибси хIяйчив вирес, цархIилван буралли, ЧевяхIси Аллагьли ﷻ гибти чеаслумачи хьуликIес
- Аллагьли ﷻ сунес бегIлара гIяхIси секIал декIарбирниличила балули, гьар секIайзив Иличи вирхес
- ЦадехI дехIибала мижитлизир дарили, цархIилтала замана баайчи илав калес
- Фарзла дехIибала уркала или урухкIес
- «Рахли бунагьуни дирес даимвиублирагу» ибси урехили мурталра тавбадирес
- Аллагьли ﷻ идбагуначирад даахъибти, кьаркьа биркIантани хахамдарес ва аргъес хIейрути баянтачи вирхес
- Аллагь ﷻ гьаникибхIели тIярхIулхъес
- НасихIятуначи ва гIякьлумачи лехIирхъес
- ГIямрула къиянти замунтазив ЧевяхIсиличи хъарахъес
- Кьиркьирсили хIейэс ва ахъри лебхIели садакьа бирес
