Се сари гIямру?
ЦацабехIти пасихIчебти адамтани бурули саби, гьарли-марли гIямрула мягIна багьес багьандан, чузи халаси мягIна бухIнабуцибти мераначи ваэс гIягIниси саби или: больница, туснакъ, ва хIябри. Илдани адамтала гIямрула дурхъадеш ва дарсдикIудеш чебиахъу. Илди меранани нуша ЧевяхIсилис мукIурдешличи ва гьар секIайс шукрубирахъес бурсидирулра. ГIямру – дурхъаси савгъат биъниличила балахъули саби.
Больницализиб хIуша-ни иргъулра арадеш – бекIлибиубси давла биъни. Я арцли, я ахъси даражали агарбиубси арадеш чарбарес хIейрар. ИлхIели нушани кьиматбирулра кьяшмачи тIашдизес дирнира.
Туснакълизиб адамли иргъули сай, азаддеш – дурхъаси нигIмат биъни. Азадли виъни кьаркьа азаддешцун ахIенну, уркIила бухIнабсира саби, хIуша бунагьуназирад ва нукьсандешуназирад акьухIели бируси.
ХIябрачиб аргъес вирар – лерилра гIямру ца манзиллизир бусягIят тамандиэс дирниличила. ИшбархIи нуша сунечирад дашуси ванза, жагIял нуша кIапIдируси мерли бетарар. Лерилра нушани дучибти мас-мулк ва лебдеш ишар кавлан, ЧевяхIси Аллагьличи ﷻ биалли нуша чIянкIли нушала гIяхIтира вайтира баркьудлумачил сарра чардулхъути.
ГIямру – къантIси гьуни саби, хIялумцIлабани ва баракатли бицIибси. Илди нушаб гибти сари нуша баркаллаличи, шукруличи бурсидарахъес ва мукIурдешличил Кьиямала бархIиличи хIерли диахъес.
Хъуммартидая: зягIип-дешли хIуша бурсидирурая арадеш кьиматлабирахъес. Къадагълумани хIушази гьанбиркахъу азаддешла чебяхIдешличила. ГIямру аркьнили хIушази балахъу бегIлара кьиматчебси – иман биъниличила. Гьарил бархIи ил имкан ЧевяхIсиличи гъамвиэс, иман чIумабарес, ва ЧевяхIсила разидеш сархес цагьатIи ганзли биаб. Бурая: «Шукру Аллагьличи ﷻ» хIушаб гибти гьар секIайс. Баркалла даим хIушала гIямрула шалали биаб.
